جول اقىسىن تولەۋدەن باس تارتقان جولاۋشىلاردان سوققى جەپ كوزىنەن ايرىلعان الماتىلىق اۆتوبۋس جۇرگىزۋشىسى الماتىدا جولاۋشىلار سوققىعا جىققاننان كەيىن كوزىنەن ايىرىلعان اۆتوبۋس جۇرگىزۋشىسى قالدىبەك بايتاناۋوۆ «الماتى كولىك حولدينگى» كاسىپورنىنان 5 ميلليون تەڭگە تالاپ ەتتى، - دەپ حابارلايدى «قامشى» پورتالى كتك-عا سىلتەمە جاساپ.
جۇرگىزۋشى «وڭاي» جۇيەسىن ەنگىزگەن كومپانيانىڭ كەسىرىنەن مۇگەدەك بولىپ قالدىم دەپ وتىر.
«وڭاي» كومپانياسىنىڭ ۇستىنەن شاعىم تۇسىرەمىن. سول جولى «وڭاي» تەكسەرۋشىلەرى بولعاندا، كارتاسى جوق ادامدارعا ايىپپۇل سالىپ، اۆتوبۋستان شىعارىپ تاستار ەدى. ەندى ماعان قارجىلاي كومەك كورسەتسىن"، - دەدى بايتاناۋوۆ.
دارىگەرلەر جۇرگىزۋشىنىڭ كورۋ مۇمكىندىگىن تولىقتاي قالپىنا كەلتىرىپ بەرە المادى. ەندى ول وتباسىن قالاي اسىرايمىن دەپ قينالىپ وتىر. «ءبىر كوزىم مۇلدە كورمەيدى، ەكىنشىسى ءسال عانا كورەدى. ەكىنشى توپتاعى مۇگەدەك بولىپ قالدىم، ەندى ەشكىمگە دە كەرەگىم جوق. ال مەن بولسام بالالارىمدى اسىراۋىم كەرەك»، - دەيدى ول.
"وڭاي" جۇيەسىن ەنگىزۋشى كاسىپورىن باسشىلىعى بولسا ايىپپۇل تولەۋ نەگىزسىز دەپ وتىر. ولاردىڭ ايتۋىنشا ءجابىر كورگەن جۇرگىزۋشى جەكە اۆتوپارك قىزمەتكەرى. سوندىقتان دا ولار قانداي دا ءبىر وتەماقى تولەۋدىڭ دە رەتى جوق دەپ ەسەپتەيدى.
«ءبىز تەك ءوز قىزمەتكەرلەرىمىزگە جاۋاپتىمىز. ەگەر ولار جابىرلەنسە، قولدان كەلگەن كومەكتىڭ ءبارىن جاسار ەدىك. ال بۇل جاعدايدا تاياق جەگەن ءبىزدىڭ جۇمىسشى ەمەس. سوندىقتان، ءبىز كومەك كورسەتۋگە مىندەتتى ەمەسپىز»، - دەيدى "الماتى كولىك حولدينگى" ج ش س باسپا ءسوز حاتشىسى ەلميرا كيرگەيەۆا.
ەستەرىڭىزگە سالساق، وقيعا 8 اقپان كۇنى الماتىداعى ابدۋللين جانە قازىبەك بي كوشەلەرىنىڭ قيىلىسىندا بولعان. بەلگىسىز ەكى جولاۋشى №13 باعىتتاعى قوعامدىق كولىكتىڭ جۇرگىزۋشىسىن سوققىعا جىققان بولاتىن.
پىكىر قالدىرۋ