نازاربايەۆ الماتىنىڭ ەكولوگياسىنا الاڭداۋلى

/uploads/thumbnail/20170708221126742_small.jpg

مەملەكەت باسشىسى نۇرسۇلتان نازاربايەۆ بۇگىن الماتىدا وتكەن جيىندا قالا باسشىلىعىنا الماتىنىڭ ەكولوگياسىن جاقسارتۋدى تاپسىردى، - دەپ حابارلايدى قازاقپارات.

«بۋتاكوۆكادا ءۇي سالىپ تاستاعان. شىمبۇلاققا باراتىن اسپالى جول نە ءۇشىن سالىندى؟ سول جەرگە ماشينامەن جەتۋگە مە؟ ەۋروپالىق تاۋ شاڭعىسى كۋرورتتارىندا كولىك كوردىڭىزدەر مە؟ مىنا قارقىنمەن ورماندى جويىپ تىنامىز»، - دەدى ن.نازاربايەۆ. 
مەملەكەت باسشىسى قالا اكىمىنە تىيىم سالىنعان جەرلەرگە ءۇي سالعانداردى ويلانباستان ءسۇرىپ تاستاۋ كەرەكتىگىن ايتتى. 
«ءال-فارابيدان جوعارى ءۇي سالماۋدى تاپسىردىم. سوندا دا سالىنىپ تاستالعان. قالا تاۋدان كەلەتىن سامالدىڭ ارقاسىندا دەمالىپ وتىر. تاۋدى دا جاۋىپ تاستاپسىڭدار»، - دەدى پرەزيدەنت. 
سونىمەن قاتار، ەلباسى الماتىنىڭ تازالىعى تۋرالى ايتتى. 
«بۇل - بارلىق قازاقستاندىقتاردىڭ سۇيىكتى قالاسى. كورىكتەندىرۋ، تازالىق، ارىق جۇيەسىنىڭ اباتتاندىرىلۋىن قاداعالاۋ كەرەك. قالانىڭ قوجايىنى رەتىندە ءۇيىڭدى قاراعانداي قاراۋ كەرەك. باسشىلىق مەنىڭ ەسكەرتپەلەرىمنەن ناتيجە شىعارادى دەپ ۇمىتتەنەمىن»، - دەدى ن.نازاربايەۆ.

 

پىكىر قالدىرۋ

قاتىستى ماقالالار