قازاقستاندىق قوعام بەلسەندىسى، بولاتحان تايجان قورىنىڭ پرەزيدەنتى مۇحتار تايجان پوليسيا باسشىلارىنىڭ جامبىل وبلىسى بايزاق اۋدانى بۋرىل اۋىلىندا بولعان حالىقتىق تولقۋلارعا قارۋلى جاساق كىرگىزگەنىنە ءوز نارازىلىعىن ءبىلدىردى، - دەپ حابارلايدى «قامشى» پورتالى.

ءوزىنىڭ فەيسبۋك الەۋمەتتىك جەلىسىندەگى پاراقشاسىندا مۇحتار تايجان اۋىلداعى حالىق نارازىلىعىن باسۋعا بارعان پوليسيا قىزمەتكەرلەرىنە اۆتومات بەرۋ الاڭداتارلىق جاي ەكەنىن ايتقان.

«جاپپاي تارتىپسىزدىكتەردى باسۋ كەزىندە ميليسياعا (پوليسياعا – رەد.) اۆتومات بەرىلۋى الاڭداتادى. وندا تاعى دا وقتى قارۋ بار دەپ قاۋىپتەنەمىن. بۇعان جول بەرمەۋ كەرەك. سۋ شاشاتىن، كوزدەن جاس اعىزاتىن قۇرالدار، رەزەڭكە وقتار بار، ادام ومىرىنە ءقاۋىپ توندىرمەيتىن قارۋلار قانشاما؟ نەگە ەل ىشىندە مەيلى جاپپاي تارتىپسىزدىكتەردى باسۋ ءۇشىن بولسىن، ميليسياعا اۆتوماتتار بەرىلەدى؟ ءبىز بۇعان ۇيرەنبەۋىمىز كەرەك. الەمنىڭ ەشبىر ەلىندە جاپپاي تارتىپسىزدىكتى باسۋعا ادام ولتىرەتىن قارۋلار قولدانىلمايدى»، - دەپ جازادى مۇحتار تايجان.

بەلسەندى سوزىنە دالەل رەتىندە ازاتتىق سايتىنان الىنعان اۆتومات اسىنعان ارنايى جاساق جاۋىنگەرىنىڭ فوتو سۋرەتىن ۇسىنادى.