قازاقتىڭ ماڭداي الدى اقىندارىنىڭ ءبىرى نۇرلان ماۋكەن ۇلىنىڭ سوزىنە جازىلعان «ءولىنىڭ قامىن ءتىرى جەر» ءانىن ەركىن شۇكىمان ورىندادى، - دەپ حابارلايدى «قامشى» پورتالى.

ءانشى ول تۋرالى ءوزىنىڭ «فەيسبۋك» الەۋمەتتىك جەلىسىندەگى پاراقشاسىندا جازادى.

«تۇرسىنعازى اعامنىڭ كەشىنىڭ قارساڭىندا ەل اراسىنداعى كوپتەگەن اندەرى جيناقتالىپ، سيرەك ايتىلاتىن اندەرىن جاس ونەرپازدار ۇيرەنىپ، وسى فەستيۆالدا ورىندادى. وسى اندەردىڭ ىشىندە ەڭ ۇلكەن ولجا بولعانى نۇرلان ماۋكەن ۇلىنىڭ سوزىنە جازىلعان "ءولىنىڭ قامىن ءتىرى جەر" ءانى. بۇل ءان 2001-2002 جىلدارى جازۋشى تالعات كەڭەسبايەۆتىڭ ۇيىندە شىققان. سول كەزدە بىردەن كامەراعا ءتۇسىرىپ، بۇگىنگە دەيىن ساقتاپ كەلگەن. جالپى بۇل ءاننىڭ شىعۋ تاريحى جونىندە ءسوز بولەك. ونى تالعات كەڭەسبايەۆتىڭ وزىنە قالدىردىق... ەڭ باستىسى بۇل ءاندى تاكەڭنىڭ ساقتاۋى، بۇگىنگە جەتكىزۋى... تاكە، مىڭ العىس سىزگە! العاش ورىنداۋ بىزگە بۇيىرىپتى... قابىل الىڭىزدار!»، - دەيدى ءانشى.