«دوكتور ۆەب» كومپانياسىنىڭ ماماندارى جاڭا تروياندىق باعدارلامانى تاپتى، ول جۇققان كومپيۋتەردە قازاق ءتىلى پەرنەتاقتاسىن بايقاسا جۇمىسىن توقتاتىپ، ءوزىن ءوزى جويىپ جىبەرەدى، - دەپ جازادى قازاقپارات Cnews سايتىنا سىلتەمە جاساپ.

Windows قۇرىلعىعا زالال كەلتىرەتىن ترويان كومپيۋتەردەن قازاق تىلىمەن قاتار، بەلورۋس، ورىس جانە ۋكراين تىلىندەگى پەرنەتاقتالاردى بايقاسا ءوزىن ءوزى جويىپ جىبەرەتىندىگى انىقتالعان.

«شاماسى بۇل ۆيرۋستى ازىرلەۋشىلەردىڭ ماركەتينگىلىك ماقساتىنا بايلانىستى سەكىلدى، مىسالى  ولار تمد ەلدەرىنە تروياننىڭ باسقا نۇسقاسىن تاراتۋى مۇمكىن»، - دەيدى «دوكتورا ۆەب» كومپانياسىنىڭ ساراپشىسى پاۆەل شالين.

جاڭا ترويان BackDoor.Andromeda.1407 دەپ اتالدى. ونىڭ نەگىزگى ماقساتى - ۆيرۋس جازعانداردىڭ بۇيرىقتارىن ورىنداۋ، ونىڭ ىشىندە زارارلى باعدارلامالىق قامتىلىمدى جۇكتەۋ جانە ورناتۋ، دەيدى ماماندار.