قازاقستان حالقى اسسامبلەياسى اتىنان ءماجىلىس سايلاۋىنا ۇسىنىلاتىن ۇمىتكەرلەردىڭ ەسىمدەرى بەلگىلى بولدى، - دەپ حابارلايدى «قامشى» پورتالى.

قحا كەڭەسى ءماجىلىس دەپۋتاتتىعىنا 9 ۇمىتكەردى ۇسىنىپ وتىر. ولار 21 ناۋرىز كۇنى وتەتىن اسسامبلەيا قۇرىلتايىندا سايلاناتىن بولادى.

تىزىمدە سوڭعى شاقىرىلىمداعى ءماجىلىس دەپۋتاتتارى رومان كيم مەن يۋريي تيموشەنكو، «ەگەمەن قازاقستان» گازەتىنىڭ پرەزيدەنتى ساۋىتبەك ابدراحمانوۆ، ىشكى ىستەر ۆيسە-مينيسترى ۆلاديمير بوجكو، رەسپۋبليكالىق ۇيعىر ەتنو-مادەني ورتالىعىنىڭ ءتوراعاسى شايماردان نۇرىموۆ، قىزىلوردا قالاسىنداعى ءبىر مەكتەپتىڭ ديرەكتورى ناتاليا جۇمادىلدايەۆا، دۇڭگەن ەتنو-مادەني ورتالىقتارى قاۋىمداستىعىنىڭ باسقارما مۇشەسى شاكىر حاكازوۆ، ارميان ەتنو-مادەني بىرلەستىگىنىڭ ءتوراعاسى نارينە ميكاەليان بار.