بەلگىلى تەلەجۋرناليست دانا نۇرجىگىت حالىق اراسىندا كوپ سىنالىپ كەلە جاتقان "91" توبىنا قاتىستى پىكىرىن ءبىلدىرىپ، توپ جەتەكشىسى ەربولات بەدەلحاننىڭ ەڭبەگىن باعالايتىنىن ايتقان، - دەپ حابارلايدى «قامشى» پورتالى Baistars.kz – كە سىلتەمە جاساپ.

«ەربولات بەدەلxانعا ايتارىم: ون جىلدان استام تاڭداعان جولىنان جاڭىلادى، تاباندى ەڭبەك ەتىپ، ءبىر كۇن-كول، ءبىر كۇن-شول بولاتىن ءناسىبىن بۇكىل توبىنا جۇمساپ جۇرگەن ەربولاتقا ورنىمنان تۇرىپ قول سوعام. وعان دا كەزىندە قانشا ادام لاپ بەرىپ، «مىنا ىستەپ جۇرگەنىڭ قاتە» دەگەن ەدى، ول ءوزىنىڭ ماقساتىنان باس تارتقان جوق. ءبىرجاقتى قىڭىرلىق، ستەرەوتيپتىك سانا-دامۋدىڭ جولى ەمەس. اسىرەسە ونەردە!» - دەپ جازدى دانا نۇرجىگىت ينستاگرامداعى جەكە پاراقشاسىندا.

تەلەجۇرگىزۋشى وسىعان دەيىن قارشا بوراعان سىنعا ەرەكشە سابىرلىق تانىتقان ەربولاتتى قولدايتىنىن جەتكىزدى. 

«زايىتوۆتىڭ «91» توبىنىڭ سىرت كەلبەتىن سىناپ، ءتىل تيگىزىپ، «جيىركەنەمىن» دەگەن اۋىر ءسوزىن سابىرلىقپەن تىڭداپ، جۇدىرىق الا جۇگىرمەي (ونى ىستەسە دە تۇسىنەر ەدىم) ميىعىنان عانا كۇلىپ قويىپ ەموسياعا، اشۋعا جول بەرمەي جاۋاپ بەرىپ وتىرعان ەربولات مەن ءۇشىن وپپونەنتىنەن الدەقايدا جوعارى، مادەنيەتتى" - دەي كەلە، وسى سىن ارقىلى پروديۋسەر توبىن شىڭداپ الدى دەگەندى ايتادى. "ول قول استىنداعى توپتى وسىلايشا سپارينگكە شىعارىپ الدى. مۇزداي دۋشتىڭ استىنا تۇرعىزدى. سىنادى. «...شىدايسىڭ با مەنىمەن دوستاسۋعا، جالاڭ اياق سۋ كەشىپ، تاس تاسۋعا»، - دەپ مۇقاعالي اقىنشا سەرىكتەستەرىنە سۇراقتى توتەسىنەن قويدى. شاش وسەر، بوياۋى جۋىلار، تريكو شالبار بوپ وزگەرەر. ءبىراق، اراق ءىشىپ، ەسىرتكى تارتىپ ەسىرمەگەن، ونەردە ءوز جولىن ىزدەپ، ءوسىپ كەلە جاتقان جاستاردى وسىنشاما تالاپ، مۇسىركەتىپ «مەن سياقتى كوستيۋم شالبار كيمەيسىڭ بە، شاشتى دۇرىستاپ قىسقارتپايسىڭ با؟» - دەپ جەر شۇقىتىپ قويۋ، قاز-قاز تۇرىپ كەلە جاتقان بالاعا، «نەگە جۇگىرىپ كەتپەيسىڭ؟» دەگەنمەن تەڭ» - دەيدى تەلەجۇرگىزۋشى.

سونداي-اق دانا نۇرجىگىت «91» توبى سياقتى كورەرمەن ءبىر كەزدەرى «ا-ستۋديونى» دا تۇسىنبەگەنىن ايتتى. «كونفورميستەر قاشان دا بولعان، بولا دا بەرەدى. ولاردى تىڭداساق، ەلدەن ەرەك، الىستان اساۋ مىنەزىن بىلدىرەتىن ۇزىن شاش قويعان ءانشى، اقىندارىمىز - باتىرxان، جاراسقاندار، ءقادىرلار قايدا بىزگە؟ كونفورميستەردى تىڭداساق، سىعان قىزى كارمەندى وپەرانىڭ باس كەيىپكەرى ەتىپ، كورەرمەننىڭ ىزاسىن تۋدىرعان بيزە تۋماس ەدى. «جالاڭ اياق سىعاننىڭ سايقالىن وپەراعا ارقاۋ ەتكەن دارىنسىز» دەگەن جامان اتقا قالعان بيزە بۇگىن ەل اۋىزىنداعى كلاسسيك. «ارايدان» كەتىپ، "الما-اتا ستۋديو" بولعان سەركەبايەۆ ءبايعاليدىڭ ءوزى مۇندايدى باستان وتكەرگەن. احبك سارايىنىڭ كونسەرت زالىنداعى العاشقى پرەمەراسىنان xالىق تۇرىپ-تۇرىپ كەتىپ قالعان. تۇسىنبەگەن. شاشى جالبىراعان جىگىتتەر، مايكىشەڭ تۇرىپ ءان سالعان باتىرxاندى بىرەۋ ەسكە السا، سول بىزدەر. ءبىزدىڭ ۇرپاق. ايتا بەرسە كوپ قوي».

بەدەلحاننىڭ بەدەلىن قورعاعان نۇرجىگىت جۇرتشىلىقتى سىناسا نامىسقا ءتيىپ ەمەس، مادەنيەتتى سىناۋعا شاقىردى.

«ونەردە ۇقساستىقتان جامانى جوق! سىناساق "جيىركەنەمىن" دەگەن ادامي نامىسقا تيەتىن، كوشەدەگى بەتجىرتىستىڭ لەكسيكونىنا سۇيەنىپ ەمەس، كونسترۋكتيۆتى، مادەنيەتتانۋ دەگەن عىلىمعا جۇگىنىپ وتىرىپ دايەكتى دالەل كەلتىرىپ وتىرىپ سىنايىق!» - دەيدى د. نۇرجىگىت.

بۇعان دەيىن ايتىسكەر اقىن رينات زايىتوۆ باستاعان ءبىرقاتار ازاماتتار «91» توبىن سىنعا الىپ، ولاردىڭ كيگەن كيىمىنەن، ءجۇرىس-تۇرىسىنا دەيىن ۇلتتى ماسقارالايتىن قىلىق دەپ مالىمدەگەن بولاتىن.