ورالمان دەگەن كىم؟- دەسەڭ،
شوشقانىڭ ەتىن جەمەك تۇگىلى،
بەينەسىنە دە قاراماعان،
سان تاريح سامايىن جارالاعان.
ەسىن جيىپ ەلىنە ورالعاندا،
"قاشقىنسىڭ"،-دەپ باۋىرى قارالاعان.
قالتاسىندا كوك تيىن بولماسا دا،
ادامنان نان سۇراۋدى قالاماعان.
ءتىل مەن ءدىنى قالپىندا جويىلماعان،
پاكتىگىنە ەش شەكىت قويىلماعان.
قازاقستان قازاعى مويىنداماي،
بۇكىل الەم {مومىن} مۇحمىن دەپ مويىنداعان.
بالاسى 4 جاسىندا اتقا مىنگەن،
پاتشادان دا بايسالدى تاققا مىنگەن.
اتاسىنىڭ قىلىشىن دات باستىرماي،
تورعىنعا وراپ تورىنە ساقتاپ ىلگەن.
قىزدارىنىڭ بالتىرى اشىلماعان،
جاراتقاننان باسقاعا باس ۇرماعان.
سالەم بەرگەن ادامدى تۋىس كورىپ،
كوڭىلىنە قۇپيا جاسىرماعان.
نارەستەسى كوزدى اشىپ بەسىك كورگەن،
جەردىڭ ءجۇزىن ارالاپ كوشىپ كورگەن،
قازاقستان شاڭىراق كوتەرگەندە،
"ءبىر ۋىعى بولام!"، - دەپ كوشىپ كەلگەن.
ءجونسىز جولدى جاقىن دەپ باسقان ەمەس،
كىندىگى مەن تىزەسىن اشقان ەمەس.
كەتكەنى راس ءدىن، ءتىلىن ساقتاۋ ءۇشىن،
بەكەر بوسقا، تەنتىرەپ قاشقان ەمەس.
تۋعان جەر توپىراعىن شىتقا ءتۇيىپ،
ساعىنعاندا سونى يىسكەپ جىلاپ جۇرگەن.
ۇرپاق ءۇشىن ەرتەڭگى جوسىپ جۇرگەن،
بالاسى دا جاۋىنگەر ەسىن بىلگەن.
جانتاياتىن جاتتىق جەر تاپپاعانمەن،
ات جالىندا نامازىن وقىپ جۇرگەن.
"قاشقىنسىڭدار!"-دەيتۇعىن وكپەشىل كوپ،
ەل بولعان سوڭ ۇيالماي جەتكەسىڭ دەپ.
ەرۋ ەلدىڭ سۇزەگەن تايىنشالارى،
ىرەسە دە ۇندەمەي وكپەسىن كوپ.
مىنە وسىلار ءسىز ايتقان ورالماندار،
شەتەلدە ەمەس ۇيگە كەپ تونالعاندار.
مىڭ جىعىلىپ، مىڭ تۇرىپ مۇقالمايتىن،
سابىرلىقپەن بارىنە توزە العاندار.
"ورالمان"،-دەپ باۋىرىم جامانداما،
تەڭگە، دوللار تاپسىر دەپ جالاڭداما.
دامىتپاسا ورالمان كەمىتپەيدى،
الاڭداما، ولاردان، الاڭداما!
لايى جوق، تاپ-تازا ءتىلى تۇنىق،
ەي، باۋىرىم! قارايسىڭ نەگە سۋىق؟!
ورىس، كاريس، نەمىستىڭ بالاسى ەمەس،
ۇرىكپە، ءوز تۋىسىڭ ساعان جۋىق.
قاسىمىز جوق، قارسى الار دوسىمىز دەپ،
كەلگەندەرگە قۇشاقتى اشىڭىز كوپ.
التىن ىزدەپ كەلمەگەن، اسىل ىزدەپ،
اتاسىنىڭ كەلگەندەر باسىن ىزدەپ.
ويلاماڭدار بولدى دەپ اۋىر سالماق،
ءار پەندەنى تۇرادى ءتاڭىر قولداپ.
ىرىزدىقتى بەرىۋشى تەك ءبىر اللا،
دامەتپەيدى سىزدەردەن جارتى جارماق.
ءبىلىم ىزدەپ كەلگەندەر، عىلىم ىزدەپ،
كولباسا مەن كەلمەگەن شىلىم ىزدەپ.
ىزدەپ كەلگەن اعامىز، ءىنىمىز دەپ،
تۋىستىقتىڭ ءقادىرىن ءبىلىڭىز دەپ.
بوقشىلىق دۇنيەنى ءبىر-اق تاستاپ،
"ەلىن"،-ىزدەپ كەلگەندەر "ەلىن"،-ىزدەپ!
مۇحتار نوعايبەك ۇلى
