قازاقستاندىق فيتنەس وكىلى دانيا تىلەۋىمبەتوۆانىڭ Caravan.kz – كە بەرگەن سۇحباتى قىزۋ تالقىلانۋدا، - دەپ حابارلايدى «قامشى» پورتالى.

9 ءساۋىر كۇنى الماتىدا IFBB فەدەراسياسىنىڭ كۋبوگىنا بايقاۋ ءوتىپ، فيتنەس جۇلدىزى 163 سم-گە دەيىنگى فيتنەس بيكيني سايىسىندا جەڭىمپاز اتانعان.

باسىلىمعا سۇحبات بەرگەن فيتنەسشى جەكە ومىرىنە قاتىستى دا ءبىرقاتار جايتتەردى جايىپ سالعان.

«ءقازىر جاسىم جيىرما التىدا. ءالى كۇنگە وتباسى قۇرمادىم، بالالارىم جوق. ول – مەنىڭ ارمانىم!» دەپ مۇڭىن شاققان دانيا تىلەۋىمبەتوۆا سپورت پەن توسەكتىڭ بايلانىسىنان دا ءبىراز حاباردار ەكەندىگىن اڭعارتقان.

«سپورت پەن جىنىستىق ءومىردىڭ ۇيلەسىمدىلىگى تۋرالى نە ايتاسىز؟» دەگەن سۇراققا بيكەش: «تولىقتاي ۇيلەسەدى. وعان تىيىم سالىنباعان. كۇشىڭ قالماي قالاتىن ساتتەر بولادى، ءبىراق، ول باسقا ماسەلە. ايتپەسە، بارلىعى كەرىسىنشە. مەنىڭ ايتارىم – سپورتشى قىزدار باسقالارعا قاراعاندا سەزىمتال جانە توزىمدىرەك كەلەدى. جىگىتتەر دە سولاي. كوپ ادامدار سپورتشىلاردا بارلىعى دۇرىس ەمەس دەپ سانايتى. شىندىعىندا، دەنەدە دە، جىنىستىق ماسەلەدە دە بارلىعى دۇرىس»، - دەپ جاۋاپ قاتقان.

سونداي-اق، سپورتشى بولاشاقتا وتباسىن قۇرىپ، بالالى بولعىسى كەلەتىنىن، الايدا، سپورتتى تاستاۋ ويى جوق ەكەنىن دە ايتقان.