استاناداعى ەكسپو-2017 كورمەسىنىڭ قۇرىلىس الاڭىندا ءورت شىقتى، - دەپ حابارلايدى «قامشى» پورتالى.
قۇرىلىس الاڭىنداعى ءورت تۋرالى حابار توتەنشە جاعدايلار قىزمەتىنە بۇگىن ساعات 11.01-دە تۇسكەن. وقيعا ورنىنا جەتكەن ءورت سوندىرۋشىلەر جاڭادان سالىنىپ جاتقان عيماراتتىڭ ءتورتىنشى قاباتىندا شاتىر مەن جىلۋ ساقتايتىن قاپتامالار جانىپ جاتقانى بەلگىلى بولعان.
«ءورت شالعان نىسان اۋماعى شامامەن 50 شارشى مەتردى قۇرايدى. نىسانعا ءورت ءسوندىرۋ قىزمەتىنىڭ 55 ادامى ساعات 11.25-تە جەتتى. ولار ءورتتىڭ تارالۋىنا جول بەرمەدى جانە ونىڭ اۋىر سالدارىنىڭ الدىن الدى. ءتىلسىز جاۋمەن كۇرەسكە 8 تەحنيكا جۇمىلدىرىلدى. زارداپ شەككەندەر جوق»، - دەيدى ءىىم تجك-نىڭ رەسمي وكىلى رۋسلان يمانقۇلوۆ.
پىكىر قالدىرۋ