الماتى وبلىسىندا 94،4 مىڭ گەكتار جەر اۋكسيون ارقىلى ساتىلادى، - دەپ حابارلايدى «قامشى» پورتالى قازاقپاراتقا سىلتەمە جاساپ.

بۇل تۋرالى بۇگىن «مەملەكەت باسشىسىنىڭ 5 ينستيتۋتتىق رەفورماسىن جۇزەگە اسىرۋ بويىنشا 100 ناقتى قادام» ۇلت جوسپارىن جۇزەگە اسىرۋ ماسەلەلەرىنە ارنالعان باسپا ءسوز ءماسليحاتى بارىسىندا اتالعان ءوڭىردىڭ باسشىسى اماندىق باتالوۆ مالىمدەگەن.

«35، 36-قادامدارعا سايكەس، اۋىل شارۋاشىلىعى باعىتىنداعى جەرلەردى نارىقتىق اينالىمعا ەنگىزۋ ءۇشىن تۇگەندەۋ جۇرگىزىلدى، ولاردى پايدالانۋدىڭ مونيتورينگىن جۇرگىزۋ ءۇشىن وبلىستىڭ ەلەكتروندىق جەر كارتاسى ازىرلەندى. ناتيجەسىندە پايدالانىلمايتىن 272،7 مىڭ گا جەر انىقتالدى»،-  دەدى وبلىس اكىمى.

ءوڭىر باسشىسى العا تارتقان دەرەكتەرگە سايكەس، ونىڭ ىشىندە 77،4 مىڭ گەكتار پايدالانىلا باستادى. ال 15،1 مىڭ گەكتار جەر اۋداندارعا قايتارىلىپ، يەسىز 53،9 مىڭ گەكتار بويىنشا ماتەريالدار ولاردى مەملەكەت مەنشىگىنە قايتارۋ ءۇشىن سوتقا بەرىلەدى. 14،4 مىڭ گەكتار مەملەكەت مەنشىگىنە قايتارىلىپ، الداعى ۋاقىتتا اۋكسيونعا شىعارىلادى. سالىقتاردى ون ەسەلەنگەن كولەمدە ارتتىرۋ ءۇشىن سالىق ورگاندارىنا 111،9 مىڭ گەكتارعا 186 ماتەريال بەرىلدى.

«اۋكسيون ارقىلى ساتۋ ءۇشىن الاڭى 94،4 مىڭ گەكتار 651 جەر تەلىمى تاڭدالدى، قۇجاتتاردى راسىمدەۋگە 59،8 ملن. تەڭگە قاراستىرۋ كوزدەلۋدە. 2016 جىلدىڭ 1 شىلدەسىنەن باستاپ جەردى جالعا پايدالانۋشى تۇلعالار ونى 10 جىل مەرزىمگە ءبولىپ تولەۋمەن، كاداسترلىق قۇنىنان 50 پايىز جەڭىلدىكپەن ساتىپ الۋ مۇمكىندىگىنە يە بولادى. بۇگىنگى تاڭدا 9،7 مىڭ گا ساتىپ الۋعا 211 ءوتىنىش بەرىلدى»،-  دەدى ا.باتالوۆ.