شەتەلدىكتەردىڭ قازاق تىلىنە نەمقۇرايلى قاراۋىن سىنعا العان اقتوبە وبلىسىنىڭ اكىمى بەردىبەك ساپاربايەۆتىڭ باستاماسىن اتىراۋلىق ارىپتەسى نۇرلان نوعايەۆ تا ءىلىپ اكەتتى، - دەپ حابارلايدى «قامشى» پورتالى.
يتاليانىڭ قازاقستانداعى توتەنشە جانە وكىلەتتى ەلشىسى ستەفاونو راۆانيانمەن كەزدەسكەن وبلىس باسشىسى نۇرلان نوعايەۆ اڭگىمەنى قازاق تىلىندە باستاعان. وسى جەردە جەرگىلىكتى اۋدارماشىنىڭ تەك ورىس تىلىنەن عانا اۋدارا الاتىندىعى بەلگىلى بولعان. ابىروي بولعاندا، كەزدەسۋگە قاتىسىپ وتىرعان اتىراۋ مۇناي-گاز ينستيتۋتىنىڭ رەكتورۆ ءالي ابىشيەۆ وبلىس باسشىسىنىڭ ءسوزىن قازاقشادان اعىلشىن تىلىنە تىكەلەي اۋدارىپ بەرگەن.
ەلشىنىڭ اۋدارماشىسىنا ن. نوعايەۆ قۇر وتىرماسىن دەپ ستەفاونو راۆانياننىڭ سوزدەرىن ورىس تىلىنە اۋدارتىپ قويعان.
قولايسىزدىقتان باستالعان كەزدەسۋ سوڭىندا يتاليا ەلشىسى وبلىس باسشىسىنا قازاق ءتىلىن جاقىن ارادا ۇيرەنەتىنى جونىندە ۋادە بەرگەن.
