WBA (Super)، IBO، WBC (Interim) جانە IBF تۇجىرىمدارى بويىنشا ورتا سالماقتا الەم چەمپيونى گەنناديي گولوۆكين (34-0، 31 كو) امەريكالىق دومينيك ۋەيدپەن (18-0، 12 كو) جەكپە-جەگىنىڭ الدىندا دوپينگ تەستىلەۋىنەن ءوتتى، - دەپ حابارلايدى «قامشى» پورتالى Vesti.kz-كە سىلتەمە جاساپ.

بۇل اقپاراتتى اشىق جاتتىعۋ كەزىندە قازاقستاندىقتىڭ باپكەرى ابەل سانچەس جەتكىزدى. "ونى (گولوۆكيندى) بىرنەشە كۇن بۇرىن تەكسەرگەن. ول كوپتەگەن تىنىمسىز جاتتىعۋدان كۇش الادى"، - دەپ مالىمدەدى باپكەر.

گولوۆكين مەن ۋەيدتىڭ اشىق جاتتىعۋى لوس-اندجەلەستە ءوتتى. بوكسشىلار رينگكە استانا ۋاقىتى بويىنشا 24 ساۋىردە شىعادى. جەكپە-جەكتى "قازاقستان" تەلەارناسى تىكەلەي ەفيردە كورسەتەدى. بوكس كەشىنىڭ ترانسلياسياسى استانا ۋاقىتى بويىنشا 07.20-دا باستالادى.
گولوۆكين WBA تيتۋلىن وسىمەن 16-شى رەت، IBO تيتۋلىن 13ء-شى رەت، WBC (Interim) تيتۋلىن ءتورتىنشى رەت جانە IBF تيتۋلىن ءبىرىنشى رەت قورعاپ قالۋعا نيەتتى.