وڭتۇستىك قازاقستاندا تاۋعا سەرۋەندەپ كەتىپ، 4 كۇننەن بەرى ىزدەستىرىلىپ جاتقان ايەل مەن ءبۇلدىرشىن قىزدىڭ دەنەسى تابىلدى. قۇتقارۋشىلار 56 جاستاعى اشىركۇل بايمۇراتوۆا مەن 7 جاسار ينابات ىڭكاربەكتىڭ ءمايىتىن ءداۋبابا اۋىلىنان 10 شاقىرىم جەردەگى قاراقۋىس شاتقالىنان تاپقان، - دەپ حابارلايدى Qamshy.kz كتك ارناسىنا سىلتەمە جاساپ.

جەكسەنبى كۇنى شىمكەنتتەن كەلگەن ايەل قاسىنا كىشكەنتاي ءسىڭلىسىن ەرتىپ، تاۋعا سەرۋەندەپ كەتكەن ەكەن. ءسويتىپ، اۋىلدان ۇزاي بەرە جاڭبىر جاۋىپ، قالىڭ تۇمان ءتۇسىپتى. سوندىقتان ەكەۋى اداسىپ كەتۋى مۇمكىن. ولاردى وزدەرى ىزدەپ تاپپاعان اۋىلداستارى پوليسەيلەر مەن قۇتقارۋشىلارعا حابار بەرگەن بولاتىن. 3كۇن بويى تاۋ-تاستا تىنتىگەن 400 مامانعا ۇلتتىق ۇلان ساربازدارى كومەككە كەلگەن. الايدا، جوعالعانداردىڭ ءمايىتى تابىلىپ وتىر. ال تەرگەۋ جۇرگىزىپ جاتقان شۇعىل توپ مارقۇمداردىڭ دەنەسىنەن زورلىق-زومبىلىق بەلگىلەرى جوق ەكەنىن ايتادى.