وسكەمەننىڭ پراپورششيكوۆو اۋىلىنداعى ءوزى وقيتىن مەكتەبىنەن 20 ءساۋىر كۇنى شىعىپ كەتىپ، ۇيىنە سول كۇيى ورالماعان 14 جاستاعى مەدەت ماراتوۆتىڭ ءمايىتى تابىلدى، -دەپ حابارلايدى Qamshy.kz  پورتالى YK-news.kz سايتىنا سىلتەمە جاساپ.

جولعالعان بالانى ىزدەگەن پوليسەيلەر ءبىر تاۋىلكتەن كەيىن ونىڭ ءمايىتىن تاپقان.

«پوليسەيلەر اناسىنىڭ حابارىنان كەيىن بىردەن بالانى ىزدەستىرۋگە كىرىستى. شامامەن 17:30-دا قازان دايىنداپ شىعاراتىن ەسكى زاۋىتتىڭ ماڭىنان بالانىڭ ءمايىتى تابىلدى. ونىڭ دەنەسىنەن كوپتەگەن پىشاق جاراقاتتارى تابىلدى. بىردەن «كىسى ءولتىرۋ» بابى بويىنشا قىلمىستىق ءىس قوزعالدى. وقيعا جەدەل تۇردە تەرگەلىپ جاتىر. كۇدىكتى ىزدەستىرىلۋدە»، - دەپ حابارلادى شقو ىشكى ىستەر دەپارتامەنتى باسپا ءسوز قىزمەتىنىڭ باسشىسى باقىتجان تورعايەۆ.

مەدەتتىڭ اناسى ۇلىنىڭ مەكتەپتەن ەشۋاقىتتا ەسكەرتۋسىز كەش قايتپايتىنىن ايتىپ، دابىل قاققان ەدى. 

«مەكتەپ اۋلاسىندا دوستارىمەن فۋتبول وينايتىن كۇندەرى ول مىندەتتى تۇردە كەشىگەتىنىن ەسكەرتىپ تۇراتىن»، - دەيدى اناسى. مەكتەپتەن شىققاننان كەيىن ونىڭ قايدا بەت العانىن ەشكىم كورمەگەن.

ال، مەدەتتىڭ سىنىپتاستارى ونىڭ بەلگىسىز قىزىل كولىكتىڭ جۇرگىزۋشىسىمەن ساباقتان كەيىن سويلەسىپ تۇرعانىن كورگەن.