وسى اپتادا استانا قالاسىنىڭ قورعانىس ىستەرى جونىندەگى دەپارتامەنتىنىڭ جيىن پۋنكتىنەن مەملەكەتتىك كۇزەت قىزمەتى مەن ۇقك شەكارا قىزمەتى قاتارىندا مەرزىمدى اسكەري قىزمەت وتكەرۋ ءۇشىن 60-قا جۋىق جاڭادان شاقىرىلعان بوزبالا جونەلتىلدى. جاڭادان شاقىرىلعاندارعا ءوز تۋعان جەرىن قورعاعان اعا بۋىننىڭ ەرلىكتەرى دارىپتەلدى، -دەپ حابارلايدى ق ر قم باسپا ءسوز قىزمەتى.
«ۇلى مەرەكە قارساڭىندا ءبىز ءداستۇر بويىنشا مەملەكەت قامقورلىق كورسەتىپ جاتقان ۇلى وتان سوعىسىنىڭ ارداگەرلەرىن ماداقتايمىز جانە سەندەر اعا بۋىننىڭ داڭقتى ءداستۇرىنىڭ جالعاستىرۋشىلارى، ءىزباسارلارى بولىپ تابىلاسىڭدار. سەبەبى، وتباسىڭدى، حالقىڭدى قورعاۋ - ءاربىر ەر ازامات ءۇشىن باستاپقى مىندەت، ابىرويلى ءىس. سەندەرگە اسكەري انتقا ادال بولىپ، تۋعان ولكەلەرىنە وتان قورعاۋشىلار رەتىندە ورالۋلارىڭدى تىلەيمىن»، - دەدى استانا قالاسىنىڭ ءقىجد باستىعى پولكوۆنيك تالعات امانگەلدييەۆ.
