ەكولوگتاردىڭ بولجامى بويىنشا بيوتوعاننان اۋاعا كۇكىرت سۋتەگىسى تاراپ، قالىپتى جاعدايدان 10 ەسەگە ارتقان، - دەپ حابارلايدى Qamshy.kz 24.kz – كە سىلتەمە جاساپ.

ءقازىر ماماندار كارىز سۋىنان سىناما الىپ، زەرتحاناعا جىبەردى. كۇن كۇرت جىلىعاسىن تۇرمىستىق قالدىق جينالاتىن توعان بەتىندەگى مۇز ەرىپ كەتسە كەرەك. سونىڭ سالدارىنان قولقانى قاباتىن ءيىس اينالانى لەزدە الىپ كەتكەن. ۋلى گاز يىسىنە تۇنشىققان تۇرعىندار كوشەگە شىعۋدان قالدى. كۇكىرت سۋتەگىسىنىڭ ناقتى قايدان شىققانى ساراپتاما قورىتىندىسىنان كەيىن بەلگىلى بولادى.

ازامات بەكتاسوۆ، وبلىستىق ەكولوگيا دەپارتامەنتىنىڭ ءبولىم باسشىسى:

- ەرتەڭ تۇتىنۋشىلاردىڭ قۇقىعىن قورعاۋ دەپارتامەنتى، «قازگيدرومەت» ورتالىعىنىڭ ماماندارىمەن بىرگە توپ قۇرىپ، ۋلى گازدىڭ وشاعىن انىقتايتىن بولامىز. كۇكىرت سۋتەگىسىنىڭ ادام اعزاسىنا زيانى جوق.