بۇگىن، ياعني 2016 جىلدىڭ 22 ساۋىرىندە ءال-فارابي اتىنداعى قازاق ۇلتتىق ۋنيۆەرسيتەتىندە،  «بيزنەس پەن ىنتىماقتاستىقتىڭ جاڭا نىساندارى – شىعىس پەن باتىس اراسىنداعى ءوزارا ارەكەتتەستىك»  اتتى ءىىى ازيا-ەۋروپا بيزنەس يننوۆاسيالار كونگرەسىنىڭ اياسىندا جىل سايىنعى «Path to Succes» KazNU Job/Intership Fair - «تابىسقا اپارار جول» - بوس قىزمەت ورىندارىنىڭ جانە تاجىريبە وتەتىن ورىنداردىڭ  جارمەڭكەسى ءوتتى، - دەپ حابارلايدى Qamshy.kz.

ءال-فارابي اتىنداعى قازۇۋ-دىڭ  زەرتتەۋ ۋنيۆەرسيتەتىنە اۋىسۋ ءۇشىن، زاماناۋي تەحنولوگيالاردىڭ كومەگىمەن وقىتۋدىڭ يننوۆاسيالىق ادىستەرىن پايدالانۋ كەرەك. ول ءوز كەزەگىندە ۋنيۆەرسيتەت پەن جۇمىس بەرۋشىلەردىڭ ىنتىماقتاستىعىن دامىتۋدا اسا ماڭىزدى ءرول اتقارادى.

قازۇۋ تۇلەكتەرىنە جۇمىس بەرۋشى سەرىكتەستەردىڭ قاتارىنا قازاقستاننىڭ جانە شەت ەلدەردىڭ كوشباسشى كومپانيالارى مەن ۇيىمدارى كىرەدى. اتالمىش كومپانيالار  جىل سايىن ءال-فارابي اتىنداعى قازۇۋ-دىڭ 2000-نان استام تۇلەكتەرىن جۇمىسپەن قامتاماسىز ەتسە، 3000-نان اسا ستۋدەنتتەرىنە تاجىريبەدەن وتۋگە مۇمكىندىك بەرىپ وتىر.

بۇگىنگى جارمەڭكەگە «Air Astana»، «قازاقتەلەكوم»، «Kazkom»، «Halyk Bank»،  «Tele-2» جانە ت.ب. ءىرىلى-ۇساقتى 170 كومپانيا قاتىسىپ، تۇلەكتەرگە جۇمىس ۇسىندى. جۇمىس بەرۋشىلەرمەن وتكىزىلەتىن جارمەڭكە اياسىندا جۇمىس ىزدەۋشىلەرگە ارنايى شەبەرلىك-سىنىپتارى، ترەنينگتەر مەن سەمينارلار وتكىزىلىپ جاتىر.

وتكىزىلگەن جارمەڭكەنىڭ جايلى تولىعىراق ماعلۇمات جيناقتاۋ ماقساتىمەن شارانىڭ باسى-قاسىندا جۇرگەن مامانداردىڭ پىكىرىن تىڭداپ كوردىك.

باقىتجان ساپاروۆ، «مانساپ جانە بيزنەس» ورتالىعىنىڭ ديرەكتورى:

 - جىل سايىن وتەتىن بۇل جارمەڭكەنى ءال-فارابي اتىنداعى قازۇۋ تۇلەكتەرى مەن جۇمىس بەرۋشىلەردىڭ كەزدەسۋ الاڭى دەپ ايتساق بولادى. بىرنەشە جىل قاتارىنان وتكىزىلىپ جاتقان جارمەڭكەنىڭ جۇمىس بەرۋشى سەرىكتەستەرىنىڭ سانى جىل سايىن ارتۋدا. بيىلعى جىلى شاراعا 170 ۇيىم قاتىسىپ وتىر. نەگىزگى ماقسات – قازۇۋ تۇلەكتەرىن جۇمىسپەن قامتۋ.

 بيىل ءبىزدىڭ قازۇۋ-دى 3600-دەي باكالاۆر مەن 1000-نان استام ماگيسترانت بىتىرەدى. جارمەڭكەگە جىل سايىن قاتىساتىن جۇمىس بەرۋشىلەر وقۋ جىلىنىڭ باسىنان باستاپ جارمەڭكەگە قىزىعۋشىلىق تانىتىپ جاتادى. ءوز جوسپارىمىزعا سايكەس، بارلىق كومپانيالاردى جارمەڭكەگە ەكى-ۇش اي بۇرىن شاقىرامىز.

جۇمىس بەرۋشىلەرمەن بىرلەسكەن جۇمىستى البەتتە سوڭىنا دەيىن جەتكىزۋگە تىرىسامىز. ولاردىڭ جۇمىسپەن قامتىلۋى جايلى اقپاراتتى ءبىز 6-12 اي مەرزىمنەن كەيىن جيناقتايمىز. سەرىكتەس كومپانيالارعا جىبەرىلگەن ارنايى ساۋالنامالار تۇلەكتەردىڭ كاسىبي دەڭگەيىن انىقتاۋعا كومەكتەسەدى.

ءبىزدىڭ ەڭ باستى ماقساتىمىز – قازۇۋ تۇلەكتەرىن جۇمىسپەن قامتۋ. الايدا، شارا الماتى قالالىق جۇمىسپەن قامتۋ ورتالىعىنىنىڭ قولداۋىمەن وتكىزىلىپ جاتقاندىقتان، ونىڭ اياسىن كەڭەيتۋگە تىرىسىپ جاتىرمىز. ب ا ق پەن الەۋمەتتىك جەلىلەرگە، سونداي-اق، جۇمىس ورىندارىن جارنامالايتىن ارنايى گازەتتەرگە جارناما بەردىك.  سوندىقتان، جۇمىس تابۋعا نيەتتى كەز-كەلگەن الماتى قالاسىنىڭ تۇلەكتەرىنە، ازاماتتارىنا ەسىگىمىز اشىق.

دارحان احمەد-زاكي، ءال-فارابي اتىنداعى قازۇۋ-دىڭ وقۋ ءىسى جونىندەگى پرورەكتورى:

- بۇل جارمەڭكە جەتى جىل قاتارىنان وتكىزىلىپ جاتىر. ءبىراق سوڭعى ءۇش جىلدا باعىتىمىزدى ءسال وزگەرتتىك. نارىقتىق زاماندا ءار ستۋدەنت، ءار تۇلەك ءوزىنىڭ قوعامداعى ورنىن تابۋى ءۇشىن  بارىن سالۋى كەرەك.

وزدەرىڭىزگە بەلگىلى، ءبىر رەت جۇزدەسۋ ارقىلى جۇمىسقا ورنالاسۋ مۇمكىن ەمەس. ال جارمەڭكەگە قاتىسۋ ارقىلى، وزىنە ۇناعان كومپانيامەن الدىن-الا بايلانىس ورناتىپ، تاجىريبە بارىسىندا ءوزىنىڭ بىلىكتىلىگىن دالەلدەپ بەرە الادى. بۇل ءبىتىرۋشى ستۋدەنتتەرگە جاسالعان كەرەمەت مۇمكىندىك.

ەكىنشىدەن، جارمەڭكەگە قاتىسۋشى جۇمىس بەرۋشىلەر ءبىزدىڭ وقۋ باعدارلامامىزعا ساي ارنايى ۇسىنىستارىن، الدىن-الا ءتۇرلى ترەنينگ، كۋرستارىن وتكىزىپ جاتادى. بۇل  قازىرگى تاڭدا جاقسى ناتيجە بەرەتىن كورسەتكىشتەردىڭ ءبىرى. ياعني، ءبىزدىڭ وقۋ باعدارلامامىزدىڭ ساپاسىن ارتتىرۋعا بىردەن-بىر كومەكشى ەكەنى ءسوزسىز. قازۇۋ قازىرگى تاڭدا قۇزىرەتتىلىككە باعىتتالعان كاسىبي وقۋ باعدارلامالارىن جۇزەگى اسىرۋدا.

ال، جارمەڭكەنىڭ تۇپكى ماقساتى – ستۋدەنتتەرگە ءوز بىلىكتىلىگىن، ۇتقىرلىعىن جۇمىس بەرۋشىگە دالەلدەپ، كاسىبي دەڭگەيىن شىڭداۋعا كومەكتەسۋ.

 گۇلميرا اسيروۆا، «كازاقتەلەكوم» اق قىزمەتكەرى:

 - ماقساتىمىز قازۇۋ تۇلەكتەرىمەن تانىسۋ. ءبىزدىڭ كومپانيا مەن قازۇۋ اراسىندا ءوزارا ىنتىماقتاستىق تۋرالى مەموراندۋم بار. سول كەلىسىم اياسىندا ءتۇرلى ءىس-شارالار ۇيىمداستىرىلىپ جاتىر. اتاپ ايتساق، جاقىندا «قازاقتەلەكوممەن بىرگە» اتتى اۋقىمدى كونكۋرس ۇيىمداستىرىپ، جاقسى ناتيجە كورسەتكەن قازۇۋ  ستۋدەنتتەرىن ىرىكتەپ، ولاردى باعالى سىيلىقتارمەن ماراپاتتادىق. سونداي-اق، ولار «قازاقتەلەكومدا» 2 اي وندىرىستىك تاجىريبەدەن ءوتۋ مۇمكىندىگىنە يە بولدى. ستۋدەنتتەردى تاجىريبەگە شاقىرۋ، جاقسى كورسەتكىشتەرمەن تانىلعاندارىن  جۇمىسپەن قامتاماسىز ەتۋ ارقىلى ءوزارا بايلانىستى نىعايتىپ كەلەمىز.

ءال-فارابي اتىنداعى قازۇۋ بۇگىندە الەمدىك ۋنيۆەرسيتەتتىك رەيتينگتەردە جوعارىعا نىق قادامدار جاساپ كەلەدى. الەمگە ايگىلى حالىقارالىق QS اگەنتتىگىنىڭ (ۇلىبرياتانيا) 2015 جىلدىڭ 15 قىركۇيەگىندە جاريالانعان زەرتتەۋلەرىنىڭ قورىتىندىلارىنا سۇيەنسەك، قازۇۋ الەمنىڭ مىقتى 800 ۋنيۆەرسيتەتتەرىنىڭ ىشىندە 275ء-شى ورىنعا جايعاسىپ، توپ-300 ۋنيۆەرسيتەتتەرىنىڭ قاتارىنا ەنگەن. وسىنداي كەلەلى ناتيجەلەرگە جەتۋدە اتالمىش ءىس-شارالاردىڭ ءوز ۇلەسىن قوسقاندىعى ايتپاسا دا بەلگىلى.