بۇگىن پرەزيدەنت نۇرسۇلتان نازاربايەۆتىڭ جارلىعىمەن ق ر باس پروكۋرورى اۋىستى، - دەپ حابارلايدى Qamshy.kz.

«مەملەكەت باسشىسىنىڭ جارلىعىمەن وسىعان دەينى باس پروكۋروردىڭ ورىنباسارى بولىپ كەلگەن جاقىپ اسانوۆ قازاقستان رەسپۋبليكاسىنىڭ باس پروكۋرورى بولىپ تاعايىندالدى.

جاقىپ اسانوۆ 1963 جىلى 17 تامىزدا قىزىلوردا قالاسىندا تۋعان. قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا ءتامامداعان.

1986-1993 جىلدارى قىزىلوردا وبلىسىنىڭ پروكۋراتۋرا ورگاندارىندا قىزمەت اتقارعان.

1993-1994 جىلدارى باس پروكۋراتۋرانىڭ باسقارمالارىندا باسشىلىق لاۋازىمداردا بولعان.

1994-1996 جىلدارى ق ر پرەزيدەنت اكىمشىلىگى زاڭدىلىق پەن قۇقىقتىق ءتارتىپتى جانە سوت رەفورماسىن قامتاماسىز ەتۋ بولىمىندە كەڭەسشى، مەڭگەرۋشى بولىپ قىزمەت اتقارعان.

1996 جىلى وڭتۇستىك قازاقستان وبلىسى بويىنشا سالىق پوليسياسى باسقارماسىنىڭ ءبىرىنشى ورىنباسارى بولىپ تاعايىندالدى.

1997-2001 جىلدارى ق ر باس پروكۋرورىنىڭ اعا كومەكشىسى – الەۋمەتتىك-ەكونوميكالىق سالاداعى زاڭدىلىقتى قاداعالاۋ باسقارماسى باستىعىنىڭ ورىنباسارى، باسقارما باستىعى، مەملەكەتتىك ورگاندار قىزمەتىندەگى زاڭدىلىقتى قاداعالاۋ دەپارتامەنتىنىڭ باستىعى لاۋازىمدارىن اتقاردى.

2001 جىلدىڭ اقپانىنان 2002 جىلدىڭ اقپانىنا دەيىن الماتى قالاسى پروكۋرورىنىڭ ءبىرىنشى ورىنباسارى، 2002 جىلدىڭ اقپانىنان 2003 جىلدىڭ ماۋسىمىنا دەيىن پاۆلودار وبلىسىنىڭ پروكۋرورى بولدى.

2003 جىلدىڭ ماۋسىمىندا ادىلەت ۆيسە-مينيسترى بولىپ تاعايىندالدى.

2005-2006 جىلدارى «اتامەكەن» كاسىپكەرلەر مەن جۇمىسبەرۋشىلەر جالپىۇلتتىق وداعى اتقارۋشى ديرەكتورىنىڭ ورىنباسارى، «قازاقستان كوممۋنالدىق جۇيەلەرى» اق-ى ديرەكتورلار كەڭەسىنىڭ ءتوراعاسى، «ورداباسى» كورپوراسياسى» اق-ى پرەزيدەنتى، ديرەكتورلار كەڭەسىنىڭ مۇشەسى بولدى.

2007-2012 جىلدارى ءىۇ جانە ءۇ شاقىرىلعان پارلامەنت ماجىلىسىنە «نۇر وتان» پارتياسىنىڭ اتىنان دەپۋتات بولىپ سايلاندى.

2012 جىلعى 6 قىركۇيەكتە پرەزيدەنت جارلىعىمەن قازاقستان رەسپۋبليكاسى باس پروكۋرورىنىڭ ورىنباسارى بولىپ تاعايىندالدى.

3-ساناتتى مەملەكەتتىك ادىلەت كەڭەسشىسى. زاڭ عىلىمدارىنىڭ كانديداتى. «قۇرمەت» وردەنىنىڭ، «قازاقستان رەسپۋبليكاسى تاۋەلسىزدىگىنە 10 جىل» مەرەكەلىك مەدالىنىڭ، «قازاقستان رەسپۋبليكاسى پروكۋراتۋراسىنىڭ قۇرمەتتى قىزمەتكەرى» كەۋدە بەلگىسىنىڭ يەگەرى.

ۇيلەنگەن. ءۇش بالاسى بار.