سەمەيدىڭ اكىمى جىلۋعا قارىزى بار تۇرعىندارمەن جاڭاشا كۇرەس جۇرگىزە باستادى. ەرماك ءسالىموۆ جۇمىستان قولى قالت ەتكەندە بورىشكەرلەرگە ءوزى حابارلاسىپ، تولەماقىنى تەزىرەك قايتارۋدى وتىنەدى.

بۇل تۋرالى Qamshy.kz  24 ارناعا سىلتەمە جاساپ حابارلايدى.

دەمالىس كۇندەرى اكىمنىڭ ءوزى قوڭىراۋ شالعان 15 ادامنىڭ اراسىندا قارىزى 200 مىڭ تەڭگەگە دەيىن جەتكەندەر دە بار. ءقازىر قالا بويىنشا جىلۋعا قارىزدىڭ جالپى كولەمى 600 ميلليون تەڭگەگە جەتەقابىل.

اكىمنىڭ ويىنشا، ەندى بۇل كورسەتكىش ەداۋىر تومەندەۋى ءتيىس. ويتكەنى كوپتەگەن تۇرعىنقالا باسشىسىنا 9 مامىرعا دەيىن بەرەشەگىن تولەيمىز دەپ ۋادە بەرگەن.

"كەيبىرەۋلەرى شىنىمەن اكىم بە قوڭىراۋ شالىپ تۇرعان دەپ، تاڭدانا سۇرايدى. كەيبىرىنە ءبارىبىر. ال كەلەسى بىرەۋلەرى قارىز ەكەندەرىن مويىنداي كەلىپ، تولەمەيتىندەرىن ايتادى. قارىزداردى تەزىرەك جيناۋىمىز كەرەك. ۋاقىت تىعىز، سوندىقتان مەن دە بۇل جۇمىسقا بەلسەندى كىرىسىپ كەتتىم، ادامدار وسىنى تۇسىنسە، شىركىن!"، - دەيدى قالا اكىمى ەرماك ءسالىموۆ.