اقتوبە وبلىسى، قىزىلجار-2 اۋىلىندا جولدىڭ جوقتىعىنان بۇلدىرشىندەر مەكتەپكە زيراتتاردىڭ اراسىمەن بارىپ ءجۇر. ءتىپتى كىشكەنتاي بالالار ادامدى جەرلەۋ راسىمدەرىنە سان مارتە كۋاگەر بولعان ەكەن، - دەپ حابارلايدى 31 ارنا.

ويتكەنى، مولالاردىڭ اراسىنداعى جالعىز اياق جولدان باسقا كورشى اۋىلدىڭ ءۇش شاقىرىم جەردەگى مەكتەبىنە اپاراتىن جول جوق. ال ءتيىستى مەكەمە ماماندارى، ءبىلىم ورداسىن سالۋ ءۇشىن ەكى اۋىل اراسىنداعى ارا قاشىقتىق ءۇش شاقىرىمنان اسۋ كەرەك دەيدى. اۆتوبۋس ءبولۋ ءۇشىن دە مەكتەپپەن ارا قاشىقتىق ءۇش شاقىرىمنان اسۋى كەرەك ەكەن دەيدى شەندىلەر.

اۋىل بالالارى كورشى قىزىلجاردىڭ مەكتەبىنە قاتىناپ وقيدى. اۋىلدا مىڭ جارىم شاڭىراق بار. ءبىراق ءالى كۇنگە دەيىن مەكتەپ سالىنباپتى. مەكتەپ تۇگىلى قوعامدىق كولىكتىڭ ءوزى  جول بولماعاندىقتان، اۋىلدى اينالىپ وتەتىن كورىنەدى. ال اۆتوبۋسقا بارۋ ءۇشىن حالىق تاس جولعا دەيىن جاياۋ بارادى. بالالاردىڭ ءوزى دە قارشادايىنان تالاي رەت ادامدى جەرلەپ جاتقانىن، قورىمدار قازىپ جاتقانىن كورىپ ابدەن شوشىپ بولعان.

قىزىلجار-2 اۋىلى تۇرعىندارىنا مەكتەپ سالۋ دا، جول تارتۋ دا بيۋدجەتتە جوسپارلانعان. ءبىراق قاشان جۇزەگە اساتىنى ءالى دە بولسا بەيمالىم.