ۆالەنتينا باسوۆا بىلتىر مەريبان وماروۆا دەگەن كەلىنشەكپەن تانىسقان. ول جالعىزباستى زەينەتكەردىڭ ءىشى باۋىرىنا كىرىپ، ءوزىن مەيىرىمدى جان ەسەبىندە كورسەتىپتى. الايدا قامقورشى كەيپىندە جۇرگەن جاننىڭ ويى بۇزىق بولىپ شىعادى. ءتىپتى باسپانانى ءوز اتىنا مەنشىكتەۋ ءۇشىن قارت كىسىگە ۋ بەرمەك بولعان. نەبىر قۇيتىرقى ارەكەتتەردەن امان قالعان اجەي اقىرى ءۇش-اق كۇندىك تانىسىنا الدانىپ تىنادى، -دەپ حابارلايدى   Qamshy.kz پورتالى كتك ارناسىنا  سىلتەمە جاساپ.

-ول ماعان قارايلاساتىن بولىپ كەلىسكەن. ءبىراق الدىن الا پاتەردى قالاي راسىمدەۋگە بولاتىنىن ءبىلۋ ءۇشىن نوتاريۋسكە بارىپ كەلەيىك دەپ ءوتىندى. ول مەنى دۋالادى ما تۇسىنبەيمىن. «ماقۇل» دەپ بارىپ ەدىك، اقشا الدىم دەگەن جەرگە، تاعى ءبىر جەرگە قول قوي دەدى، مەن قويا سالىپپىن. سويتسەم ول الاياق مەنى تاقىرعا وتىرعىزىپتى، - دەيدى زەينەتكەن ۆالەنتينا باسوۆا.

زەينەتكەر الاياق ايەلدى سوتقا بەرىپ، پاتەرىن قايتارىپ العان. الايدا 54 جاستاعى كەلىنشەك كەيۋانانىڭ كوزىن قۇرتۋعا ەندى كيللەر جالدايدى. ءسويتىپ، اجەيمەن كورشى تۇراتىن جىگىتتەرگە 150 مىڭ تەڭگەگە تاپسىرىس بەرگەن. ءبىراق مۇنداي ىسپەن اينالىسىپ كورمەگەن ازاماتتار دەرەۋ ءتارتىپ ساقشىلارىنا حابار جەتكىزەدى. ال ايەلدى قىلمىس ۇستىندە قۇرىقتاۋ ءۇشىن پاتەر يەسىنىڭ ءولىمىن قولدان ۇيىمداستىرىپ، ءوزىن باسكەسەرلەرگە اقشا بەرۋ كەزىندە تۇتقىنداعان.