ق ر «جەر كودەكسىنە» ەنگىزىلگەن سوڭعى وزگەرىستەرگە بايلانىستى قازاق جۇرتى ءار جەردە ءوز پىكىرلەرىن ايتىپ، ءتيىستى قارسىلىقتارىن بىلدىرۋدە. ەڭ باستىسى – باس جارىلىپ، كوز شىققان جوق. دەگەنمەن بۇگىن قىزلوردادا بولعان وقيعا كوپشىلىكتىڭ جاعاسىن ۇستاتىپ وتىر. ەستەرىڭىزدە بولسا، «جاڭاوزەندەگى» قاندى جەلتوقسان كەزىندە ماڭعىستاۋدىڭ اكىمى بولىپ قىرىمبەك وتىرعان ەدى... ال ءقازىر وسى قىرىمبەك مىرزا قىزىلوردانىڭ تىزگىنىن مىقتاپ ۇستاعان.
بۇگىن قازاقستان حالىقتارى دوستىعى كۇنى. وسىعان وراي قىزىلوردانىڭ ورتالىق الاڭىنا شىققان جۇرت قازىرگى كەزدە قىزۋ تالقىلانىپ جاتقان جەر ماسەلەسىنە دە ءوز ۇندەرىن قوسا كەتسە كەرەك. فەيسبۋك الەۋمەتتىك جەلىسىندە تارالعان ۆيدەولارعا قاراساق، ءوز پىكىرىن ايتقان جاستاردان گورى مۇزداي قارۋلانىپ، سەس كورسەتكەن اسكەريلەردىڭ سانى كوبىرەك. ەسەسىنە حالقىنىڭ ورتاسىندا جۇرگەن قىرىمبەك اكىم كورىنبەيدى.
بۇل نە سوندا؟ «جاڭاوزەننىڭ» جاراسى جازىلماي جاتقان تۇستا قىرمبەك مىرزا ەندى قىزىلوردانى دا ۇرەيمەن ۇستاماقشى ما؟ ەلباسى نۇرسۇلتان نازاربايەۆتىڭ ءوزى حالىققا ءتۇسىندىرۋ جۇمىستارى ءجۇرىلۋ كەرەكتىگىن، ارانداتۋشىلار جازالانۋ كەرەكتىگىن ايتقان جوق پا؟ بۇگىنگى قىزىلوردانىڭ جايىن كورىپ، بەيبىت حالىققا اسكەر كۇشىن كورسەتۋ - "ناعىز ارانداتۋدىڭ" ءوزى دەمەسكە شاراڭ جوق!
