قارجى مينيسترلىگى وفشوردىڭ  داۋلى تىزىمىندەگى ازاماتتاردىڭ تەگىن تالداپ تەكسەرمەك، -دەپ حابارلايدى Qamshy.kz .

بۇل تۋرالى  ق ر قارجى مينيسترلىگى، مەملەكەتتىك كىرىستەر كوميتەتىنىڭ  رەسمي وكىلى  جامبىل  سۇراعانوۆ حابارلادى.

«قازرىگى ۋاقىتتا بازاداعى دەرەكتەر بويىنشا ساراپتامالىق جقمىستار ءجۇرىپ جاتىر. جۇمىس ناتيدەسى بويىنشا ءتيىستى شەشىمدەر قابىلداناتىن بولادى. ءبىزدىڭ بۇل اقپاراتتان حابارىمىز بار، سول بويىنشا جۇمىس جاساپ جاتىرمىز»، - دەدى سۇراعانوۆ.

9 مامىر كۇنى حالىقارالىق جۋرناليستىك زەرتتەۋلەر كونسورسيۋمى  Mossack Fonseca زاڭ فيرماسىنىڭ 200 مىڭنان استام كليەنتتەرىنىڭ تولىق بازاسىن جاريالادى. ال سونداعى قازاقستاندىقتاردىڭ ءتىزىمىن مىنا سىلتەمەدەن كورۋگە بولادى.

داۋلى ءتىزىم تۋرالى پارلامەنتتەگىلەر دە تۇسىنىك پىكىر بەرۋدە. دەپۋتات ازات پەرۋاشيەۆ ۇكىمەت مۇشەلەرى مەن باسشىلارىنىڭ، مەملەكەتتىك كاسىپورىنداردىڭ شەتەلدىك شوتتارىنداعى بانكتىك قۇپيانى جويۋ كەرەكتىگىن ايتتى.

«...سونىمەن قاتار، بۇل تىزىمدە قازاقستان ۇكىمتەنىڭ قازىرگى مۇشەسى، اۋدان اكىمى، سونداي-اق ءبىرقاتار مەملەكەتتىك كاسىپورىنداردىڭ باسشىلارى بار.

ولاردىڭ ىشىندە ازىرگە ءبىلىم ءمينيسترى ساعادييەۆ قانا ءوزىنىڭ مەملەكەتتىك قىزمەتكە دەيىن كوپجىلدىق قارجىلىق بيزنەسپەن اينالىسۋىمەن ءتۇسىندىردى.

شەنەۋنىكتەر پەن وليگارحتاردىڭ شەتەلگە قاشۋ ءۇردىسىن كۇتۋدىڭ قاجەتى جوق، زاڭنامالىق جاعدايلار قۇرۋ كەرەك.  قويىلعان ەكسپورت جەمقورلىقتى ازايتىپ،  مەملەكەتتىڭ قارجى مۇمكىندىكتەرى مەن ادال بيزنەسكە اكەلەدى. وسىنىڭ نەگىزىندە «اقجول» پارتياسى ەكى نارسەنى سۇرايدى: بىرىنشىدەن، ۇلتتىق  ەكونوميكاداعى وفشور مسەلەسىنە قولداناتىن شارالار تۋرالى حابارلاۋ؛ ەكىنشىدەن، «وفشور ايماعىن رەتتەۋ قىزمەتىن قاراستىراتىن زاڭ جوباسىن پارلامەنتتە قاراۋ»، - دەدى ءماجىلىس دەپۋتاتى.