وقۋ - ينەمەن قۇدىق قازعانداي.   وقىماعان ءبىر بالا، وقىسا ەكى بالا.   وقۋ - ءبىلىم بۇلاعى.   جاقىندىقتى ات ايىرادى، وقىماعاندى حات ايىرادى.   وقىعانىڭدى ايتپا، توقىعانىڭدى ايت.   وقۋ  - ءبىلىم ازىعى، ءبىلىم – ىرىس قازىعى.   ءبىلىم باسى - بەينەت، سوڭى - زەينەت.   وقىعانىڭدى ايتپا، توقىعانىڭدى ايت.   بىلىمدىگە دۇنيە جارىق. ءبىلىمسىزدىڭ كۇنى كارىپ.   كوزى جوق، قۇلاعى ساۋدىڭ اقىلى تولادى. قۇلاعى جوق، كوزى ساۋدىڭ اقىلى سولادى.   ءومىر - ۇلكەن مەكتەپ. ءومىردىڭ ءوزى - ۇلى ۇستاز.   جەردىڭ ءسانى - ەگىن، ەردىڭ ءسانى - ءبىلىم.   جەر - ىرىستىڭ كىندىگى، ءبىلىم - ىرىستىڭ تىزگىنى.   ونەر - اعىپ جاتقان بۇلاق، ءىلىم - جانىپ تۇرعان شىراق.   ءبىلىمدى ولسە، قاعازدا اتى قالار. ۇستا ولسە، ىستەگەن زاتى قالار.   كىتاپ – التىن قازىنا.   كوپ جاساعان بىلمەيدى، كوپ كورگەن بىلەدى.   تىلىڭمەن جۇگىرمە، بىلىممەن جۇگىر.   كورگەنسىز دەگەنگە كەك تۇتپا، كورگەنىڭنەن كورمەگەنىڭ كوپ.   عىلىم - تەڭىز، ءبىلىم - قايىق. التىن الما، ءبىلىم ال.   ۇستازدان شاكىرت وزار.   جەتى جۇرتتىڭ ءتىلىن ءبىل، جەتى ءتۇرلى ءبىلىم ءبىل.   الىپپەنىڭ ار جاعى - ءبىلىم باعى.   عىلىممەن جاقىن بولساڭ، قولىڭ جەتەر، زالىممەن جاقىن بولساڭ، باسىڭ كەتەر.   ۇستازىڭدى ۇلى اكەڭدەي سىيلا.   كىتاپ-عىلىم – ءتىلسىز ءمۇعالىم.   ءبىلىمى جوق ۇل – جۇپارى جوق گۇل.   مىڭ مالىڭ بولعانشا، ءبىر بالاڭ عالىم بولسىن.   نادانمەن دوس بولعانشا، كىتاپپەن دوس بول.   اسۋ بەرمەس اسقار جوق.   بىلەگىڭە سەنبە، بىلىمىڭە سەن.   ەكپەي ەگىن شىقپاس، ۇيرەنبەي ءبىلىم جۇقپاس.   جاستا وقىعان وقۋىڭ - تاسقا جازعانمەن بىردەي، ەگدە تارتقاندا وقىعان وقۋىڭ - مۇزعا جازعانمەن بىردەي.   ءبىلىم اۋىسادى، ىرىس جۇعىسادى.   بىلگەن كىسى تاۋىپ ايتادى، بىلمەگەن كىسى قاۋىپ ايتادى.   ءوز بىلمەگەنىڭدى كىسىدەن سۇرا، ۇلكەن جوق بولسا كىشىدەن سۇرا.   اقىل –داريا، وي – تەڭىز. وقىعاننىڭ ءبارى جارىق، وقىماعاننىڭ بەتى شارىق.   بىلەك سۇرىندىرە الماعاندى، ءبىلىم سۇرىندىرەدى.   بىلەتىنىڭ ءبىر توعىز، بىلمەيتىنىڭ توقسان توعىز.   كۇش – بىلىمدە، ءبىلىم – كىتاپتا.   كىسىنىڭ كىسىلىگى، كيىمىندە ەمەس، بىلىمىندە.   كيىمىنە قاراپ، قارسى الادى، بىلىمىنە قاراپ شىعارىپ سالادى.   ءبىلىم گاۋھار – باعاسى جوق. ناداندىق كەسەل – داۋاسى جوق.   قارعىستىڭ ەڭ جامانى – ءوزىڭ بىلمە، بىلگەننىڭ ءتىلىن الما.   تۇستىك ءومىرىڭ بولسا، كەشتىك ءبىلىم جي.   بىلمەسەڭ ۇندەمە، بىلگەندى كۇندەمە.