الماتىدا ەرلەر ايەلدەرىن ارقالاۋدان جارىسادى. - دەپ حابارلايدى Qamshy.kz قازاقپاراتقا سىلتەمە جاساپ.

حالىقارالىق وتباسى كۇنىنە وراي ۇيىمداستىرىلاتىن ەرەكشە جارىس 15 مامىردا سايران كولىنىڭ جاعاسىندا وتەدى. ەرلەر كەدەرگىگە تولى 253 مەتر قاشىقتىقتى باعىندىرا وتىرىپ وزدەرىنىڭ جارلارىن قۇلاتىپ الماۋ كەرەك. بايقاۋ شارتى بويىنشا ەرلەر ايەلدەرىن ارقالاي ما، كوتەرە مە وزدەرى بىلەدى. ەڭ باستىسى جارىنىڭ اياعىن جەرگە تيگىزبەي، مارەگە ءبىرىنشى كەلۋى كەرەك.

ۇيىمداستىرۋشىلاردىڭ ايتۋىنشا، بايقاۋعا رەسمي نەكەدە تۇراتىن جۇپتار عانا قاتىسا الادى.

«جارىسقا نەكە تۋرالى كۋالىكتى الىپ كەلگەندەر قاتىسادى. تەك ايەلدىڭ سالماعى 49 كەلىدەن از بولماۋى كەرەك. ايتپەسە، قوسىمشا جۇك بەرىلەدى. Wife carrying World Championship فينليانديادا جىل سايىن وتكىزىلىپ تۇرادى. ءقازىر ازيا، افريكا ەلدەرىندە دە ءجيى ۇيىمداستىرىلادى»، - دەلىنگەن حابارلامادا.