گەرمانيا 2020 جىلعا دەيىن بوسقىندارعا جالپى العاندا 93، 6 ملرد ەۋروعا جۋىق قارجى جاراتادى. بۇل تۋرالى Spiegel اپتالىعى فەدەرالدىق جەرلەرمەن كەلىسسوزگە دايىندالعان قارجى مينيسترلىگىنىڭ سمەتاسىنا سىلتەمە جاساپ حابارلادى.
ەسەپكە بوسقىنداردى ورنالاستىرۋ، ينتەگراسيا جانە ءتىل كۋرستارى، الەۋمەتتىك قامتاماسىز ەتۋ، سونداي-اق ەۋروپاعا اعىلعان كوشى-قوننىڭ سەبەپ-سالدارىمەن كۇرەس كىرىپ وتىر.
2016 جىلى وسى ماقساتقا 16،1 ميلليارد ەۋرو جۇمسالسا، 2020 جىلعا قاراي سايكەسىنشە جىل سايىنعى شىعىن 20،4 ميلليارد ەۋروعا وسەدى، دەپ جازادى باسىلىم قارجى مينيسترلىگىنە سىلتەمە جاساپ.
الدىن الا بولجام بويىنشا، اعىمداعى جىلى گەرمانيا 600 مىڭعا جۋىق بوسقىندى قابىلدايدى، ال كەلەسى جىلى -400 مىڭعا جۋىق، ودان كەيىنگى جىلدارى - 300 مىڭنان.
