كاباردينو-بالكاريا (كبر) اۋرۋحاناسىندا حيرۋرگتەر ون ءۇش جاستاى قىزدىڭ جۇرەگىنەن ينەنى الىپ شىقتى، - دەپ حابارلايدى Qamshy.kz قازاقپاراتقا سىلتەمە جاساپ.

ناۋقاستىڭ جاعدايى تۇراقتى، دارىگەرلەر جاقسى بولجامدار جاساپ وتىر، دەپ حابارلادى تاسس رەسپۋبليكانىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

"كبر دەنساۋلىق ساقتاۋ مينيسترلىگىنىڭ رەسپۋبليكالىق كلينيكالىق اۋرۋحاناسىندا حيرۋرگتەر جۇرەك قابى قۋىسىنان - جۇرەك «سومكەسىنەن» ينەنى سۋىرىپ الدى. پاسيەنت 13 جاستا، ول كەۋدە تۇسىنىڭ اۋىراتىندىعىنا شاعىمدانعان"، - دەدى باسپا ءسوز قىزمەتىندە.

ناۋقاس جانە ونىڭ اتا-اناسىنىڭ سوزىنە قاراعاندا، توسەكتە جاتقان ينە قىزعا كىرىپ كەتكەن. كەۋدە قۋىسىنا جۇرگىزىلگەن كومپيۋتەرلىك زەرتتەۋ ناتيجەسىندە ينە جۇرەك قابى قۋىسىندا بولعانى انىقتالدى.

"اتا-اناسىنا وتانىڭ كۇردەلى جانە ءقاۋىپتىڭ جوعارى ەكەنى ءتۇسىندىرىلدى. ولار وتا جاساۋعا كەلىسىمىن بەردى"، - دەپ اتاپ ءوتتى باسپا ءسوز قىزمەتىندە. ناتيجەسىندە وتا ءساتتى ءوتتى.

"جاعدايى تۇراقتى، قىز جانساقتاۋ بولىمىندە جاتىر. ونى رەانيماتولوگ-دارىگەرلەر باقىلاۋدا"، - دەدى دەنساۋلىق ساقتاۋ مينيسترلىگىندە.