بتا بانكى ءتوراعاسىنىڭ بۇرىنعى ورىنباسارى جاقسىلىق جارىمبەتوۆتەن تاركىلەنگەن قۇنى 11 ملن. فۋنت ستەرلينگتەن اساتىن جىلجىمايتىن مۇلىك لوندوندا اۋكسيونعا قويىلدى دەپ حابارلايدى Qamshy.kz قازاقپاراتقا سىلتەمە جاساپ.

قۇنى 4،5 ملن فۋنت ستەرلينگ بولاتىن Winchmore Hill جەكەجايى بار جىلجىمايتىن مۇلىكتىڭ ساتىلاتىنى تۋرالى حابار بريتانيانىڭ پرەمەرى ديەۆيد كامەرون جەمقورلىققا قارسى ءسامميتتى اشىپ، وسى اپتادا وففشورلىق كومپانيالاردىڭ ارقاسىندا جاسىرىناتىن جىلجىمايتىن مۇلىكتى ساتىپ الۋشىلارمەن كۇرەسەتىنىن ايتقان سوڭ باق-تا پايدا بولدى.

ءبىر كەزدەرى بريتانيالىق ءانشى روب ستيۋارتتىڭ يەلىگىندە بولعان ءزاۋلىم ۇيدە باقشاسى، جابىق باسسەينى جانە ساۋنا بار.

بريتانيالىق Evening Standard اگەنتتىگى حابارلاعانداي، جارىمبەتوۆ ءزاۋلىم ءۇيدى بريتانيالىق ۆيرگين ارالدارىندا تىركەلگەن Smaland Property Holdings كومپانياسى ارقىلى 2009 جىلى 5،6 ملن فۋنت ستەرلينگكە ساتىپ العان.

قۇنى 4 ملن فۋنت ستەرلينگتى قۇرايتىن  Longwood  دەربەس ءۇيى اۋكسيونعا قويىلدى. قۇنى 2،2 ملن فۋنت ستەرلينگتى قۇرايتىن   بيشوپس اۆەنيۋدە ورنالاسقان ءۇش بولمەلى پاتەر ساتىلۋعا دايىندالىپ جاتىر. 

باسىلىم اتاپ وتكەندەي، ق ر جوعارعى سوتى جاقسىلىق جارىمبەتوۆ قازاقستاندىق ميللياردەر مۇحتار ابلازوۆكە بتا بانكىنىڭ قاراجاتىن زاڭسىز جىمقىرۋعا كومەكتەستى دەپ  قاۋلى ەتكەن. ەكى بيزنەسمەن دە لوندونعا قاشقان.