قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي ءال-فارابي اتىنداعى قازۇۋ-دىڭ عىلىمي كىتاپحاناسىندا تۇڭعىش پرەزيدەنت وقۋ زالى اشىلدى. مۇنداي زالدىڭ ەءلىمىزدىڭ ۇزدىك جوعارى وقۋ ورنى قابىرعاسىندا اشىلۋى ۇلكەن تاربيەلىك مانگە يە، سەبەبى قازاقستاننىڭ تۇڭعىش پرەزيدەنتىنىڭ ءومىر جولى وتانعا شەكسىز قىزمەت ەتۋدىڭ جارقىن كورىنىسى جانە جاس ۇرپاق ءۇشىن پاتريوتتىقتىڭ ناعىز ۇلگىسى بولىپ تابىلادى. 

قازاقستان تۇڭعىش پرەزيدەنتىنىڭ وقۋ زالى كوپشىلىك وقىرمان قاۋىمعا ارنالىپ اشىلعان. بۇل – باسىندا ق ر تۇڭعىش پرەزيدەنتى نۇرسۇلتان نازاربايەۆ تۇرعان تاۋەلسىز قازاقستان مەملەكەتتىلىگىنىڭ قالىپتاسۋى مەن نىعايۋ تاريحى بويىنشا اقپاراتتىق قوردى قۇرۋ، ۇنەمى تولىقتىرىپ وتىرۋ جانە ساقتاۋدى  جۇزەگە اسىراتىن ەرەكشە اعارتۋشىلىق ورتالىعى. قازاقستان حالقىنىڭ ءومىر ءسۇرۋ ساپاسى مەن ستاندارتتارىنىڭ جوعارىلاۋى، ەلىمىزدەگى ىنتىماقتاستىق پەن كەلىسىم، قۇقىقتىق مەملەكەت پەن ازاماتتىق قوعام نەگىزىن قالاۋ، ەكونوميكالىق سەرپىلىس پەن قازاقستاننىڭ الەمنىڭ باسەكەگە قابىلەتتى 50 ەلىنىڭ قاتارىنا كىرۋ جەتىستىكتەرىن قازاقستاندىقتار ەلباسى ەسىمىمەن بايلانىستىرادى. 

زال قورىنىڭ نەگىزگى دەرەككوزدەرىنىڭ ءبىرى – پرەزيدەنتتىڭ جەكە كىتاپتارى مەن ەل تاۋەلسىزدىگىنىڭ العاشقى جىلدارىنا ارنالعان تاريحي زەرتتەۋلەردەن تۇراتىن ماتەريالدار. مۇندا نۇرسۇلتان نازاربايەۆ، ونىڭ وتباسى، وقۋشى جانە ستۋدەنتتىك كەزەڭدەرى، ەڭبەك جولى جانە قوعامدىق-ساياسي قىزمەتتەرى تۋرالى سۋرەتتەر، كارتينالار، ارحيۆتىك قۇجاتتاردىڭ كوشىرمەلەرى، كىتاپتار، شىعارمالار مەن ۆيدەوفيلمدەر دە كەڭىنەن ۇسىنىلعان. سونىمەن قاتار، قوردان پرەزيدەنتتىڭ ءوزى قۇرمەتتى پروفەسسورى بولىپ تابىلاتىن قازۇۋ ۇجىمىنا ارنالعان قۇتتىقتاۋ حاتتارىمەن جانە جولداۋلارىمەن دە تانىسۋعا بولادى. ستۋدەنتتەر مەن عالىمدار، اسىرەسە، مەملەكەت باسشىسىنىڭ قازۇۋ-دا جانە باسقا دا جوو-لاردا وقىعان دارىستەرىنە  ەرەكشە قىزىعۋشىلىق تانىتادى.  ق ر تۇڭعىش پرەزيدەنتى كىتاپحاناسىمەن ورناتىلعان ىنتىماقتاستىق ناتيجەسىندە زال وقىرماندارىنا ونىڭ ساناۋلى ماتەريالدارى دا قولجەتىمدى.