ءانشى قايرات نۇرتاس 2013 جىلى ۇسىنعان «وكىنىش» اتتى ءومىرباياندىق تۋىندىسىنىڭ جالعاسىن كوكرەرمەنگە ۇسىنباق. سەنارييى جازىلىپ جاتقان كينونىڭ ءتۇسىرىلىم جۇمىستارى شىلدە ايىنا جوسپارلانعان.

فيل تۋرالى ايتۋعا ءانشىنىڭ ازىرگە قولى بوس ەمەس. جاڭا بەينەبايان ءتۇسىرىپ جۇرگەن قايرات نۇرتاس بۇل تۋرالى حابار جەتكىزۋدى ادەتتەگىدەي اناسى ءارى پروديۋسسسەرى گۇلزيرا ايداربەكوۆاعا قالدىردى.

“كينوعا كىرىسۋدەمىز. ءقازىر سەنارييى جازىلىپ جاتىر. ونى ەكى اي بويى جازامىز دەپ جوسپارلاعان بولاتىنبىز. كوزدى اشىپ-جۇمعانشا ءبىر ايى ءوتىپ كەتتى. شىلدە ايىندا تۇسىرسەك، قاراشا-جەلتوقسان ايلارىندا كورەرمەن نازارىنا ۇسىنامىز. بۇل تۋىندىدا قايرات نۇرتاس باسقا قىرىنان تانىلادى. ال باسقا قۇپيالاردى ازىرگە ايتپاي قويا تۇرايىن”، – دەيدى گۇلزيرا ايداربەكوۆا. پروديۋسەر جاسىرعانىمەن، بۇل قۇپيانى ونەر جۇلدىزدارى جاقسى بىلەتىن بولىپ شىقتى.

قايرات نۇرتاستىڭ وتباسىمەن ەتەنە جاقىن ارالاساتىن سيۆي ماحمۇدي ءانشىنىڭ كەزەكتى تۋىندىسىنىڭ قۇپيالارىمەن ءبولىستى. ول فيلمدە قايرات نۇرتاستىڭ ايەلى مەن ءتورت بالاسىنىڭ وينايتىنىن ايتتى.

“كوپ جىلدان بەرى جاسىرىپ كەلگەن سوڭ وزگەشە ەتىپ اشقىسى كەلەدى. گۇلزيرا اپامىز حالىقپەن تانىسسىن دەگەن ويمەن كينو ءتۇسىرىپ جاتىر. مۇنىمەن قاتار، اقشا جيناساق دەگەن دە ويلارى بار. سونشا جاسىرعان سوڭ ەڭبەكتەرى ەش كەتپەۋى كەرەك قوي. قۇداي قالاسا، كينودا جۇبايى مەن ءتورت بالاسى وينايدى. باستى ءرولدى قايراتتىڭ ايەلى مەن ءتورت بالا-شاعاسى سومدايدى”، – دەيدى سيۆي ماحمۇدي.

سونىمەن، ءبىراز جىل جەكە ءومىرى قۇپيا بولىپ كەلگەن قايرات نۇرتاستىڭ كورەرمەنگە دايىنداعان توسىن سىيى الداعى كۇز ايلارىنىڭ بىرىندە كورسەتىلەتىن بولادى.