پەرسيەۆكا اۋىلىنىڭ تۇرعىنى رۋدنىي قالاسىنىڭ ءبىلىم بەرۋ بولىمىنەن مەكتەپ ديرەكتورى تاراپىنان سەكسۋالدىق قىسىم كورگەنى ءۇشىن 7 ميلليون 463 مىڭ 641 تەڭگە تالاپ ەتتى، - دەپ حابارلايدى Qamshy.kz.

قوستاناي وبلىسىنىڭ تۇرعىنى اننا بەلوۋسوۆانىڭ شاعىمى بۇۇ-نىڭ ايەلدەرگە قاتىستى كەمسىتۋدى جويۋ جونىندەگى كوميتەتىنىڭ شەشىمىمەن قالالىق ءبىلىم باسقارماسىنا قارسى رۋدنىي قالالىق سوتىنا جىبەرىلگەن. رەزيدەنت قوستاناي وبلىسى بويىنشا جۇكتەلگەن.

مەكتەپ گاردەروبشىسى باسشىلىق تاراپىنان ناپسىلىك قىسىم كورىپ، جۇمىسىنان ايىرىلعانى جانە پسيحولوگيالىق سوققا العانى ءۇشىن مورالدىق شىعىن تالاپ ەتۋدە.

«بۇل تەك قازاقستانداعى عانا ەمەس، ورتالىق ازياداعى العاشقى شەشىم. اننا پەرسيەۆكا مەكتەبىندە گاردەروبشى بولىپ جۇمىس ىستەگەن. مەكتەپ ديرەكتورى ءوز جاعدايىن پايدالانىپ، ايەلدەن ينتيمدىك جاقىندىقتى تالاپ ەتكەن. ايعاق رەتىندە ديكتوفونعا جازىلعان زاپيس مەن اڭگىمەنى ەستىگەن ەكى كۋاگەر بار»، - دەيدى ادام قۇقىقتارى جونىندەگى بيۋرونىڭ قوستاناي وبلىستىق فيليالىنىڭ ديرەكتورى اناستاسيا ميللەر.

34 جاستاعى ەر ادام ەڭبەك قاتىناسىن جاڭارتۋ ءۇشىن ايەلدى بوپسالاعان. اننا بەلوۋسوۆا 1999 جىدان بەرى گاردەروبشى بولىپ جۇمىس ىستەيدى جانە جىل سايىن كەلىسىمشارت ۇزارتىلادى. 2011 جىلدىڭ مامىر ايىندا انناعا «نە جىنىستىق قاتىناس، نە جۇمىستان كەتۋ» شارتى قويىلعان. گاردەروبشى باس تارتقان سوڭ ديرەكتور جاڭا وقۋ جىلىندا ەڭبەك شارتىنىڭ كۇشىن جويعان.

وسىدان كەيىن ايەل ءتۇرلى ورگاندارعا شاعىمدانعانىمەن، ادىلدىككە قول جەتكىزە الماعان. ونىڭ شاعىمدارى دۇرىس تەكسەرىلمەپتى. مەكتەپ ديرەكتورى ءوز جۇمىسىن جالعاستىرىپ جاتقانىمەن، ايەل جۇمىسىنان ايىرىلعان.

سونىمەن قاتار، 2011 جىلدىڭ شىلدەسىندە مەكتەپ ديرەكتورى ايەلدىڭ ار-نامىسىنا، قادىر-قاسيەتىنە جانە كاسىبي بەدەلىنە نۇقسان كەلتىرەتىن مالىمەتتەر تاراتقان. سوت اننانىڭ ەكس-باستىعىنان مورلدىق جانە زاڭدى دەگەن ارىز-تالاپتارىن نەگىزسىز دەپ تاپقان. سونداي-اق شاعىمدانۋشى ايەل مەكتەپ ۇجىمىنىڭ الدىندا ديرەكتوردان كەشىرىم سۇراسىن دەپ تاپسىرعان.

2015 جىلدىڭ 13 شىلدەسىندە بۇۇ-نىڭ ايەلدەرگە قاتىستى كەمسىتۋدى جويۋ جونىندەگى كوميتەتى 34 جاستاعى قۇقىق بۇزۋشىنىڭ اننا بەلوۋسوۆانىڭ جاعدايىن تانۋ تۋرالى شەشىم شىعاردى. كوميتەت بۇزىلعان قۇقىقتاردى قالپىنا كەلتىرۋگە (ايەلدەرگە قاتىستى كەمسىتۋدىڭ بارلىق نىساندارىن جويۋ تۋرالى) جانە كونۆەنسيا بويىنشا مورلدىق جانە ماتەريالدىق زيان كەلتىرگەنى ءۇشىن ءتيىستى وتەماقىنى قوسا وتەۋدى شەشتى.

ەندى ءبىر جىل وتكەن سوڭ، ادۆوكاتتار مەن وقيعا قۇرباندارى شەشىمنىڭ ورىندالۋىن تالاپ ەتۋدە، نەگە تەك 12 ايدان كەيىن عانا ارەكەت ەتىپ جاتقاندارىن اناستاسيا ميللەر ءتۇسىندىردى.

«ءبىز كوميتەت شەشىمدەرىنىڭ ورىس تىلىندە كەلۋىن كۇتتىك. ويتكەنى ءبىرىنشى بارلىق شەشىمدەر اعىلشىن تىلىندە شىعارىلادى. جالپى، ءىس تىزبەگى ءبىراز ۋاقىتتى الادى»، - دەدى ميللەر.