وقو-دا پوليسەيلەر اكەسىنەن اقشا الۋ ءۇشىن ءوزىن ۇرلاعانى تۋرالى وقيعا قۇراستىرعان جاس جىگىتتى ۇستادى، دەپ حابارلايدى Qamshy.kz وقو ءىىد باسپا ءسوز قىزمەتىنە سىلتەمە جاساپ.

2016 جىلعى 10 مامىردا وقو ءىىد ۇيىمداسقان قىلمىسپەن كۇرەس باسقارماسىنا «ۆاتساپ» ارقىلى ونىڭ 1988 جىلى تۋىلعان ۇلىن بەلگىسىز بىرەۋلەر زاڭسىز ۇستاپ وتىرعانى، جابىرلەنۋشىدەن 20 مىڭ اقش دوللارىن تالاپ ەتكەنى تۋرالى حابارلاما العانىن ايتىپ، شىمكەنتتىڭ 53 جاستاعى تۇرعىنى جۇگىنەدى.

بۇل فاكتى ءبىرىڭعاي سوت الدى تەرگەۋ تىزىلىمىنە تىركەلىپ، ق ر قك 126-بابى  (زاڭسىز ەركىندىگىنەن ايىرۋ) بويىنشا قىلمىستىق ءىس قوزعالدى.

سول كۇنى كەشكى ساعات 21.00 شاماسىندا جەدەل ىزدەستىرۋ شارالارى بارىسىندا وقو ءىىد ۇقكب قىزمەتكەرلەرى 8 شاعىن اۋدانداعى كوپ قاباتتى ۇيلەردىڭ اۋلاسىنان 28 جاستاعى جاس جىگىتتى ۇستادى.

تەرگەۋ بارىسىندا پوليسەيلەر زاڭسىز ەركىندىگىنەن ايىرۋ فاكتىسىن راستاعان جوق. جاس جىگىت تانىسىنا ءىرى سومادا قارىز بولعاندىقتان، اكەسىنەن 20 مىڭ اقش دوللارىن الۋ ءۇشىن ءوزىن ۇرلاعانى تۋرالى وقيعانى ويدان قۇراستىرعان بولىپ شىقتى.

قازىرگى ساتتە پوليسەيلەر ءىستىڭ ءمان-جايىن انىقتاۋدا. سوت الدى تەرگەۋ باستالدى.