ۇستىنە دارەتىن شاشقان جۇرگىزۋشىنى تاربيەلەمەك بولعانى ءۇشىن 5 جىلعا سوتتالعان پوليسەيدى ىشكى ىستەر ءمينيسترىنىڭ ءوزى قولداپ وتىر. ازاماتتىق ار-نامىسىن قورعاماق بولعان ءتارتىپ ساقشىسىنا كەسىلگەن جازامەن كەلىسپەيمىن دەگەن گەنەرال قالمۇحامبەت قاسىموۆ ءتىپتى جوعارعى سوتقا ءوتىنىش جازىپتى، - دەپ حابارلايدى Qamshy.kz . 31 ارناعا سىلتەمە جاساپ.
دەگەنمەن، بۇگىن ماجىلىستە جاڭادان قۇرىلعان جەرگىلىكتى پوليسيانىڭ جۇمىسى جايلى بايانداما جاساعان مينيستر قازاق تىلىندە سۇراق قويعان دەپۋتاتقا ورىس تىلىندە جاۋاپ بەرىپ قىزىق جاعداي جاسادى.
جاڭا سايلانعان ءماجىلىس الدىندا ءبىرىنشى رەت بايانداما جاساعان قاسىموۆ مىرزا، دەپۋتاتتاردى مانداتتارىمەن قۇتتىقتاپ ءسوز باستادى. وتكەن جىلى اتقارىلعان جۇمىستارىن قورىتىندىلاپ، پوليسەيلەردىڭ جۇكتەمەسىنە دە توقتالدى. اسىرەسە، جەرگىلىكتى پوليسەيدىڭ وكىلەتىنە قارايتىن كولىك جۇرگىزۋشىلەرى ماسەلەسىن باسا ايتتى.
قالمۇحانبەت قاسىموۆ، ق ر ىشكى ىستەر ءمينيسترى:
- جول اپاتتارىنىڭ 70 پايىزدان استامى جۇرگىزۋشىلەردىڭ كىناسىنەن بولىپ جاتادى. اتاپ ايتقاندا، جوعارى جىلدامدىقپەن ءجۇرۋ، جاياۋ جۇرگىنشىلەر وتكەلىن ەلەمەۋ سىندى زاڭ بۇزۋشىلىقتار. بىلتىر سوت شەشىمىمەن 39 مىڭ ازامات كولىك جۇرگىزۋ قۇقىعىنان ايرىلدى. ونىڭ 29 مىڭدايى ماس كۇيىندە ۇستالىپ، 4 مىڭى اكىمشىلىك قاماققا الىندى.
ال، ىشىمدىك ءىشىپ، تەمىر تۇلپارىمەن جۇرگەندەردى تارتىپكە سالماق بولعانى ءۇشىن باسى بالەلى بولعان پوليسەيلەر ماسەلەسى شە؟ ءمينيستردى تىڭداپ بولعان دەپۋتاتتار وسىنداي سۇراق قويدى. ماجىلىسمەندەر ۇستىنە دارەتىن شاشىپ جىبەرگەن ماس جۇرگىزۋشىنى شاپالاقپەن ۇرعانى ءۇشىن 5 جىلعا سوتتالعان جەزقازعاندىق ءتارتىپ ساقشىسىن ەسكە سالدى. بۇل جاعداي قوعامدا قىزۋ تالقىعا ءتۇسىپ، كوپشىلىك سەرجانت تولەگەن يگىبەكوۆتىڭ جازاسى قيسىنسىز دەگەن بولاتىن. دەپۋتاتتار دا ەرەجە بۇزعان ازاماتتىڭ ارەكەتىن، مەملەكەتكە قارسى زاڭسىزدىق دەپ باعالادى.
ارمان قوجاحمەتوۆ، ق ر پارلامەنتى ءماجىلىسىنىڭ دەپۋتاتى:
- سوتتالعان پوليسەيدى جانە ونىڭ وتباسىن قورعاۋ ءۇشىن قانداي شارالار قولعا الىندى؟ سەرجانت يگىبەكوۆتىڭ قاتىسۋىمەن ۇستالعان ازامات قانداي جازاعا تارتىلدى؟
قالمۇحانبەت قاسىموۆ پوليسەيدىڭ ار-نامىسىن قورلاعانى ءۇشىن جۇرگىزۋشىنى ەش جازا تارتپادى دەدى. ونىڭ ۇستىنە ساراپتاما ناتيجەسىندە سوققىنىڭ ءىزى بايقالماعانىن ەسكەرىپ، جازامەن كەلىسپەيتىندىگىن اشىق ايتتى.
قالمۇحانبەت قاسىموۆ، ق ر ىشكى ىستەر ءمينيسترى:
- مەن ءوز باسىم جوعارعى سوت القاسىنا ءىستى قايتا قاراۋ تۋرالى ءوتىنىش جازدىم. بۇل تالابىمىز قابىلدانىپ، ناتيجەسىن جۋىق ارادا بىلەتىن بولامىز.
سودان سوڭ وزگە دەپۋتاتتار دا ءوزىن تولعاندىرعان ماسەلەلەردى كوتەردى. "تەك قازاق تىلىندە سۇراق قويامىن" دەگەن ەڭ جاس ماجىلىسمەن گەنناديي شيپوۆسكيح ءوز ۋادەسىندە تۇردى. ال مينيستر ءالى كۇنگە انا ءتىلىن ۇيرەنە الماعان سىڭايلى.
گەنناديي شيپوۆسكيح، ق ر پارلامەنتى ءماجىلىسىنىڭ دەپۋتاتى:
- سوڭعى 8 جىلدىڭ كولەمىندە رەسپۋبليكا بويىنشا ۋاقىتشا وقشاۋلاۋ ورتالىعى، بەيىمدەلۋ، قۇقىعىن قالپىنا كەلتىرۋ ورتالىقتارىنا 70 مىڭنان استام كامەلەتكە تولماعان جاسوسپىرىمدەر جەتكىزىلدى. ونىڭ ىشىندە 10 796-سى بالالار ءۇيى جانە مەكتەپ ينتەرناتتارىنا ورنالاستىرىلعانى بەلگىلى. سىزگە سۇراعىم، وسى كورسەتكىشتەردى ازايتۋ ءۇشىن قازىرگى كەزدە ناقتى قانداي ءىس-شارالار قولدانىپ جاتسىزدار؟ راحمەت!
- سۇراققا راحمەت! رۇقسات بولسا ورىسشا جاۋاپ بەرەيىن. يا ۋجە ۆ سۆوەم دوكلادە گوۆوريل چتو ەتو پروبلەما نومەر ودين سەيچاس...
سەرجانتىنا اراشا تۇسكەن گەنەرال، جالپى ءتارتىپ ساقشىسىنىڭ جۇمىسى اۋىر ەكەنىن العا تارتتى. ايتۋىنشا، جىلىنا 6 جارىم مىڭداي پوليسەي جۇمىستان شىعادى ەكەن. ونىڭ جارتىسىنان كوبى ءوز ەركىمەن كەتەدى. ويتكەنى، جۇكتەمەلەرى كوپ، ال جالاقىسى از. ونىڭ ۇستىنە، جەزقازعانداعى سياقتى ءتارتىپ ساقشىسىنىڭ مارتەبەسىن تۇسىرەتىن جايتتاردى قوسىڭىز.
