قىزىلوردا تۇرعىندارى نەسيەلەرىنىڭ بىرنەشە اي بويى تولەنبەي كەلۋىنە «فينستاتۋس» جاۋاپكەرشىلىگى شەكتەۋلى سەرىكتەستىگىن كىنالاپ وتىر، دەپ حابارلايدى Qamshy.kz  31 ارناعا سىلتەمە جاساپ.

ايتۋلارىنشا، كومپانيا كەلىسىم-شارتقا وتىرىپ، تۇرعىندارعا نەسيە تولەۋگە جاردەم بەرەمىز دەپ ۋادە ەتكەن. الايدا كەلىسىمشارت بويىنشا مەكەمە شوتىنا العان نەسيەلەرىنىڭ قىرىق پايىزىن اۋدارىپ، قالعانىن كومپانيا بانككە ءوزى تولەيدى دەپ سەنگەن حالىق سەنىمدەرىنىڭ اقتالماعانىنا اشىنادى.

نەسيەلەرى بىرنەشە اي بويى وتەلمەي كەلگەن  تۇرعىندار شاعىمدارىن جەتكىزۋ ءۇشىن بۇگىن قالاداعى «فينستاتۋس» مەكەمەسىنىڭ ىشىندە جينالدى. باستى تالاپتارى - نەسيەلەرىنىڭ ۋاقىتىلى تولەنۋى. تۇرعىنداردىڭ سوزىنشە، باستاپقىدا مەكەمە "العان نەسيەلەرىڭنىڭ 40 پايىزىن ءبىزدىڭ شوتىمىزعا اۋدارساڭدار، قالعان قارىزدارىڭدى ءوزىمىز وتەيمىز" دەپ ۋادە ەتكەن. الايدا ۋادە  ورىندالماپتى. جينالعان كوپشىلىك ءتىپتى كەلىسىمشارتقا وتىرىپ، كومپانياعا بەرگەن اقشالارىمىزدى دا وزىمىزگە قايتارماي وتىر،- دەيدى.

مارال سەرالييەۆا، تۇرعىن:

ء-قازىر كۇندە مازالايدى. وسى تۇرعاندا مەن جۇرەك اۋرۋىنا شالدىقتىم. 4 اي بولدى تولەنبەگەنىنە. 4 ايدان بەرى مەنىڭ پەنيام دا ءوستى. 400 ءبىر نارسە مىڭ بوپ كەتتى.

گۇلزادا مەشىتبايەۆا، تۇرعىن:

-  مىنە بۇگىن بەس اي بولىپ وتىر. ەرتەڭ مىنە تولەيمىز دەپ بارىنەن چەرتوچكا جاساپ الادى، مىنە وتىر، ۇيالمايدى...

ال «فينستاتۋس» جاۋكاپكەرشىلىگى شەكتەۋلى سەرىكتەستىگىنىڭ قىزمەتكەرلەرى مەكەمە جۇمىسىنىڭ ىلگەرى باسپاي جاتقانىن ايتادى. ەسەپشوتتارى جابىلىپ قالسا دا، حالىقتان قولما-قول اقشا الىپ، جۇمىستارىن جالعاستىرىپ جاتقاندارىن دا جاسىرماي وتىر.

گۇلنار راتيموۆا، "فينستاتۋس" مەكەمەسىنىڭ قىزمەتكەرى:

- ءبىزدى مۇلدە جۇمىس ىستەتتىرمەي قويدى. ۋجە وپلاتا توقتاپ قالدى، وپلاتا دا جۇرمەي قويدى. سوسىن 20 كۇننەن كەيىن بىزگە مىناداي نە كەلدى. «بىزدە تەكسەرىس بولعانىمەن دە ءبىزدىڭ جۇمىسىمىزدى توقتاپ قالمادى قىزدار، مەن پريكاز شىعارىپ جاتىرمىن». جالعىز ءبىزدىڭ قالا ەمەس، باسقا قالالاردا دا اعا ناليچكا الىپ جۇمىس ىستەپ جاتىر. ويتكەنى حالىقتىڭ تولەمىن توقتاتپاۋىمىز كەرەك دەدى

كومپانياعا سەنىپ، نەسيەلەرىن تولەي الماي وتىرعان تۇرعىندار ماسەلەسىنىڭ قاشان شەشىلەتىنى بەلگىسىز. سوندىقتان ولار قۇزىرلى ورىندارعا شاعىمدانعاننان باسقا امالىمىز جوق دەپ وتىر.