شىنىمدى ايتايىن، مەن GGGء-دى ەسسىز جاقسى كوردىم. ونىڭ تەگەۋرىندى "توبەلەستەرىنىڭ" ءبىرىن قالدىرماي تاماشالايتىنمىن...

سوڭعى كەزدەرى ونىڭ جۇدىرىرىقتاسۋلارى ماعان ۇنامايتىن بولىپ ءجۇر. 
بۇل سپورتتىق سايىستان گورى، ساياسي جوباعا كوبىرەك ۇقساپ بارادى. 
بۇل ويىم ءۇشىن جەك كورىپ جاتساڭىز، وعان دا ماقۇل. 
ماسەلەن، ءبىزدىڭ بيلىك قازاقستان «كوپۇلتتى» مەملەكەت ەكەنىن جاھانعا جار سالۋدان جاعى تالماي كەلەدى. 

سول ۇلتتاردىڭ (دۇرىسى دياسپورا) ىشىندەگى «ۇلىسىنان» باتىر شىعارۋ - مەملەكەتتىڭ باستى ساياساتى سەكىلدى كورىنەدى. 

گەناعا "اكەم - ورىس، شەشەم - كارىس، ءوزىم - قازاق" دەگەن ءسوز ايتقىزۋ - وسى ءسوزىمنىڭ دالەلى ىسپەتتى. ونىڭ قازاق شاپانىن كيىپ، رينگكە كوتەرىلۋى دە تەگىن ەمەس. سايلاۋ كەزىندە "نۇر-وتاننىڭ" ساپىندا بولۋى دا ءبىراز جايدى اڭعارتادى. ايتا بەرسەك، مىسال كوپ... 

«گەنا سەكىلدى «سۋعا سالسا باتپايتىن، وتقا سالسا جانبايتىن» باتىر نە ءۇشىن كەرەك؟» دەيتىن شىعارسىز. قۋانىشى جوق حالىقتى ءبىر جەلپىندىرۋ ءۇشىن... يدەولوگياسى ءالسىز ۇلتتى الدارقاتۋ ءۇشىن... سول سەبەپتى، گەناعا ءالسىز قارسىلاستار تاڭدالادى. ولار العاشقى راۋندتاردا-اق جەڭىلىپ، ميلليونداردى قالتاسىنا باسادى. ءبىزدىڭ قازاق - سوعان ءماز.
ءوزىنىڭ ءتول، ۇلتتىق پانتەونىن (مەكتەپ، تاعى باسقالار سالۋعا بولادى-مىس))))) سالاتىن اقشاسى ايدالاداعى اقش-تا شاشىلىپ، كورىنگەننىڭ قالتاسىنا كەتىپ جاتقاندا شارۋاسى جوق (بۇلاي بولماۋى دا مۇمكىن. ءبىراق، مەنىڭ تۇيسىگىم وسىلاي دەيدى). 
ارينە، گەنا مىقتى جىگىت. مەن ونىڭ تالانتىن قىزعاناتىن بوكسەر ەمەسپىن. 
دەسەك تە، ۇلتتىق يدەولوگيانى ماڭگىلىك ەتۋ ءۇشىن بار قارجى ۇلتتىق مادەنيەتكە، ۇلتتىق ادەبيەتكە جۇمسالۋى كەرەك ەدى. تاريحشىلار سول شاشىلعان اقشاعا ۇلتتىڭ تاريحىن جازىپ، تاسقا قاشاۋى ءتيىس ەدى.

ەندى، مىنە، بۇگىن «گەنانىڭ قارسىلاسى بەلبەۋىن تاستاي قاشتى» دەپ تاقيانى اسپانعا لاقتىرىپ جاتىرسىزدار! «ول بەلبەۋدى بىزدىكىلەر قانشاعا ساتىپ الدى ەكەن؟» دەپ مەن وتىرمىن. ەلدەگى باس تاقىرىپتى وزگەرتۋ ءۇشىن گەنا باتىر جانە كومەككە كەلدى. بۇل كومەك ناتيجەلى بولعاي!

قانات ءابىلقايىردىڭ فەيسبۋكتەگى پاراقشاسىنان الىندى