پاريجدەن كايرگە ۇشقان EgyptAir ۇشاعى جەرورتا تەڭىزىنە قۇلادى، دەپ حابارلايدى Qamshy.kz. بۇل تۋرالى «مايادين» تەلەارناسى Egyptair اۋەكومپانياسىنىڭ رەسمي دەرەك كوزدەرىنە سىلتەمە جاساپ حابارلادى.

EgyptAir ۇشاعى گرەكيا اۋە كەڭىستىگىندە 20 مينۋتتان كەيىن راداردان جوعالىپ كەتكەن.

سوڭعى مالىمەتتەر بويىنشا، MS804 رەيس بورتىندا  56 جولاشۋشى (ونىڭ ۇشەۋى بالالار) مەن 9 ەكيپاج مۇشەسى بولعان. ولاردىڭ جاعدايلارى ءالى بەلگىسىز.

اۋە كەمەسىنىڭ سيگنالى جوعالىپ كەتكەننەن كەيىن، EgyptAir جاعدايدى باقىلاۋ ءۇشىن شۇعىل جەدەل شتاب قۇردى. ەگيپەت مەن گرەكيانىڭ بارلىق اۆياسيالىق قىزمەتتەرىنىڭ وكىلدەرى ۇشاقتى ىزدەستىرۋ جۇمىستانىنا كىرىستى.

كەيىنىرەك اۋەكومپانيا ءوزىنىڭ  Twitter پاراقشاسىندا ا-320 جوعالعان ۇشاعى  2003 جىلى پايدالانۋعا بەرىلگەنىن حابارلادى. ۇشاقتى باسقارعان تاجىريبەلى ەكيپاج كومانديرى 6275 ساعات (ۇقساس ۇشاقپەن 2101 ساعا) ۇشا الادى، ال ونىڭ كومەكشىسىنىڭ 2766 ساعات ءۇشىعا مۇمسكىندىگى بار بولعان.