الماتىدا "ARAGOSTA CAFE"تۇنگى كلۋبىنان ءورت شىقتى، - دەپ حابارلايدى Qamshy.kz. الماتى قالالىق تجد-نە سىلتەمە جاساپ.

ەسكەرتۋ: ۆيدەودا بىلاپىت سوزدەر ايتىلادى.

الماتى قالالىقت تجد رەسمي وكىلى ساندۋعاش بايمۇحانبەتوۆانىڭ ايتۋىنشا، بۇگىن تاڭعى ساعات 05:25-تە الماتى قالالىق تجد «101» كەزەكشى بولىمىنە ءبىر كۋاگەردەن المالى اۋدانى، روزىباكييەۆ كوشەسى 72 «ب» مەكەنجايىندا ورنالاسقان "ARAGOSTA CAFE" كلۋبىنىڭ شاتىرىنىڭ جانىپ جاتقانى تۋرالى حابار كەلىپ تۇسكەن.

«ءورت سوندىرۋشىلەردىڭ العاشقى توبى وقيعا ورنىنا 5 مينۋتتان كەيىن كەلىپ جەتتى. بەلگىلى بولعانىنداي، ءدامحانا شاتىرىنىڭ كوپ بولىگىن جالىن شارپىعان. سونىڭ سالدارىنان بۇكىل شاتىردىڭ جانىپ كەتۋى جانە ءورتتىڭ جاپسارلاس ورنالاسقان كورشى عيماراتقا ءوتىپ كەتۋ ءقاۋپى تۋىندادى. ونىڭ ۇستىنە وكىنىشكە قاراي،  ءدامحانا توبەسىنىڭ جانعىش مينەرالدىق ماقتامەن قىمتالعانى ءورتتىڭ تەز تاراۋىنا سەبەپ بولدى. سونداي-اق، ءورت سوندىرۋشىلەر وقيعا ورنىنان شاشىلىپ جاتقان بىرنەشە ءورت سوندىرگىشتى تاپتى. سويتسە، عيماراتتىڭ كۇزەتشىسى ءورتتى تاڭعى ساعات 04:45-تە بايقاپتى. ءسويتىپ، ءوز كۇشىمەن سوندىرمەك بولعان. ءورت ءسوندىرۋ بارىسىندا 50 ليترلىك 3 گاز جانە 2 كومىرقىشقىل باللونى ءقاۋىپسىز ايماققا شىعارىلدى»، - دەدى ساندۋعاش بايمۇحانبەتوۆا.

ءتىلسىز جاۋ 06 ساعات 43 مينۋتتا اۋىزدىقتالدى. ءتىلسىز جاۋدىڭ اۋماعى 1 200 شارشى مەتردى قۇرادى.

«ءورت ءسوندىرۋ بارىسىندا پوليسيا قىزمەتكەرلەرى جاقىن ماڭدا ورنالاسقان 9 قاباتتى تۇرعىن ۇيدەن 40 تۇرعىندى ءقاۋىپسىز ايماققا شىعاردى. زارداپ شەككەندەر مەن قۇربان بولعاندار جوق. ءورتتى سوندىرۋگە الماتى قالالىق توتەنشە جاعدايلار دەپارتامەنتىنىڭ «ءورت ءسوندىرۋ» قىزمەتىنىڭ جەكە قۇرامىنان 80 ادام مەن 19 تەحنيكا جۇمىلدىرىلدى.  ءورتتىڭ اۋماعى 1200 شارشى مەتردى قۇرادى. تاڭعى ساعات 07:34-تە ءورت تولىعىمەن ءسوندىرىلدى»، - دەدى ساندۋعاش بايمۇحانبەتوۆا.

ايتا كەتەلىك، ءقازىر ءورتتىڭ شىعۋ سەبەپتەرى انىقتالىپ جاتىر.