الماتى قالاسىنداعى مەكتەپتەردە 6 773 تۇلەك ءۇشىن سوڭعى قوڭىراۋ سوعىلدى، - دەپ حابارلايدى Qamshy.kz قالا اكىمىنىڭ باسپا ءسوز قىزمەتىنە سىلتەمە جاساپ.

الماتىدا جالپى 201 963 وقۋشى ءبىلىم الادى. سوڭعى قوڭىراۋ شاراسى 201 مەكتەپتە ءوتىپ جاتىر.

قالا اكىمى 1936 جىلى اشىلعان №83 گيمنازياسىنىڭ سالتاناتتى شاراسىنا قاتىستى.. "تاۋەلسىزدىگىمىزدىڭ بيىل اتاپ ءوتىپ جاتقان 25 جىلدىعى سىزدەرگە جانە سىزدەردىڭ بولاشاقتارىڭىزعا ارنالادى. ءبىرىنشى كەزەكتە بۇل ءبىزدىڭ قوعامداعى بەيبىتشىلىك، كەلىسىم جانە تۇراقتىلىق، بۇلار جەتىستىگىمىزدىڭ ىرگەتاسى، ونى بارلىعىمىز ساقتاپ، قۋاتتى ەتە ءتۇسۋىمىز كەرەك"، - دەدى باۋىرجان بايبەك. 

سوڭعى بەس جىلدا الماتىدا ءبىلىم بەرۋ جۇيەسىن قارجىلاندىرۋ 57،5 ميلليارد تەڭگەگە جەتكەن.  سونداي-اق، 12 جالپى ءبىلىم بەرۋ مەكتەبى پايدالانۋعا بەرىلدى، ونىڭ ىشىندە 10-ى قازاق تىلىندە ءبىلىم بەرەدى.