سەناتوردىڭ ايتۋىنشا، جەر تۋرالى زاڭدا ەشقانداي جاڭالىق جوق. سول سەبەپتى ونى حالىققا ءتۇسىندىرۋ قاجەت ەكەنىن ونىڭ ويىنا دا كەلمەگەن، دەپ حابارالايدى  Qamshy.kz Baq.kz –كە سىلتەمە جاساپ.

«جوق، وندا ەشقانداي جاڭالىق جوق قوي. ول كودەكستە تەك قانا وزگەرىستەر. ۋاقىتى، ارەنداعا بەرەتىن ۋاقىتى تەك قانا وزگەرىپ، 15 جىلعا ۇزارتقان. سوندىقتان (تۇبەگەيلى – اۆت.) وزگەرىس بولماعاندىقتان، ءوز باسىم ءتۇسىندىرۋىم كەرەك دەپ ويىما دا كەلمەگەن. ال كەيىن ەگەر دە حالىقتىڭ، اسىرەسە، تۇسىنبەۋشىلىككە بايلانىستى، اسىرەسە، ونى باسقاشا قابىلداۋعا بايلانىستى وقىعاندا... ال، كوبىنەسە، مەن ويلايمىن، دۇرىستاپ ول زاڭدى وقىماعان سياقتى دەپ ويلايمىن ءوز باسىم. سوندىقتان جالپى بىزدەر پارلامەنتتە جۇمىس ىستەگەندە، مىنا سەناتتا بىزدەر زاڭدى تالقىلاعاندا مەنىڭ ايتاتىن ءبىر نارسەم – بۇل زاڭ حالىق ءۇشىن جاسالىپ جاتىر. سوندىقتان ول تۇسىنىكتى تىلدە جازىلۋ كەرەك دەپ... اناۋ زاڭ جوبالارىنا (تالقىلاۋعا – اۆت.) كەلەدى عوي. ۇكىمەت مۇشەلەرى، نەگىزىنەن ۇكىمەت مۇشەلەرى، الدە دەپۋتاتتار بار. سونداعى نەگىزى، شىنىندا دا، زاڭدى وقۋ...ءبىلۋ كەرەك. زاڭعا تۇسىنىكتەمە الۋ ءۇشىن بىزدەن سۇراسىن. بىزدەر ءارۋاقىتتا دايىنبىز»، - دەدى ب.ءايتىموۆا تىلشىلەرگە بەرگەن سۇحباتىندا.

ايتا كەتەيىك، اقمولا وبلىسى اقسۋ-1 (بۇرىنعى كۆارسيتكا - اۆت.) كەنتىنىڭ بۇرىنعى اكىمى، زەينەتكەر زۇلقاش شىركەنوۆ بۇگىنگى جەر داۋىنا جالعىز مينيستر عانا ەمەس، دەپۋتاتتار دا جاۋاپتى دەپ سانايدى. ونىڭ ويىنشا، «جەر تۋرالى» كودەكستىڭ جاڭا نورمالارىنىڭ وسىدان ءبىر جارىم جىل بۇرىن قابىلدانعانىن ەسكەرسەك، دەپۋتاتتارعا حالىقتى ارالاعان كەزدە جەردى اۋكسيون ارقىلى ساتۋ جانە جالعا بەرۋ شارالارىن كەڭىنەن تۇسىندىرۋگە بولاتىن ەدى.