جىلتىراق جۋرنالداردىڭ بەتىنەن تۇسپەيتىن قالتالى كەلىنشەك قالاي ءومىر سۇرەدى؟ ءار ماۋسىمدا كيىمىنە 70 مىڭ دوللار جۇمسايتىن ەۆگەنيا دجونسون NUR.KZ پورتالىنا ءوزىنىڭ قالاي حانشايىمعا اينالعانىن ايتىپ بەردى، - دەپ حابارلايدى Qamshy.kz.

قالاي حانشايىم بولۋعا بولادى؟

بالا كەزىمدە مەن گينەكولوگ بولعىم كەلدى. الايدا ۇزاق وقۋ كەرەكتىگىنەن سەسكەندىم. انام مەنى تىلدەر ۇيرەنۋگە باۋلىدى. الماتىداعى شەت تىلدەرى ينستيتۋتىندا ءبىلىم الىپ، رەپەتيتورلىقپەن اينالىستىم.

كەيىن ۋكراينادا ءبىلىمىمدى جالعاستىرىپ، BP international شەتەلدىك كومپانياسىندا ىس-تاجىريبەدەن ءوتتىم. كەيىن سول كومپانيانىڭ باسشىسى قىزمەتىن اتقارعان اعىلشىن ازاماتىنا تۇرمىسقا شىقتىم.

بولاشاق كۇيەۋىم مەن الماتىعا كەتىپ قالعاندا ماعان كوڭىلى بارىن بايقاتتى. الماتىدا جوبامەن ءىسساپارعا كەلگەن كەزىندە ەكەۋىمىز كەزدەسە باستادىق. ول كەزدە 19-دا بولاتىنمىن. ال كۇيەۋىمنىڭ مەنەن جاسى ايتارلىقتاي ۇلكەن. ءبىر جىلدان كەيىن نەكەمىزدى قيدىق. ءبىراز ۋاقىت ونىڭ اۋدارماشىسى بولىپ جۇمىس ىستەدىم. كەيىن كۇيەۋىم جۇمىس ىستەۋىمە قارسى بولدى.

تاعى ءبىر جىلدان كەيىن ۇلدى بولدىق. بۇگىندە ول سەگىزدە جانە الماتىداعى حالىقارالىق مەكتەپتە ءبىلىم الادى. بولاشاقتا لوندوندا وقىتامىز.

مەن قاراپايىم وتباسىنانمىن. اكەم - اسكەري ادام. مەنىڭ جولىم بولدى.

باي ايەلدىڭ ءبىر كۇنى قالاي وتەدى؟

سۇلۋلىق سالوندارىنا بارامىن، كەزدەسۋلەر ۇيىمداستىرامىن. جاقىندا ءال-فارابي كوشەسىندەگى ءۇيىمنىڭ ديزاينىن وزگەرتۋگە كىرىستىم.

بۇرىن مەيرامحانام بولاتىن. ءۇش جىل بۇل بيزنەسپەن شۇعىلداندىم. بۇگىندە ەشقانداي بيزنەس باستاعىم كەلمەيدى. بولاشاقتا الماتىدا تانىمال برەندتىڭ بۋتيگىن اشامىن دەگەن وي بار. ساۋىق كەشتەرگە عانا بارىپ، ءوز دەڭگەيىمدى ءتۇسىرىپ الماس ءۇشىن بيزنەسكە دەن قويۋ كەرەك. قايىرىمدىلىقپەن اينالىسامىن - جاعدايى تومەن وتباسىلارىنا كومەكتەسەمىن.

ءجيى لوندونداعى ءسان كورسەتىلىمدەرىنە بارامىن. پاريجگە دە ءجيى باس سۇعامىن.

ءۇيدى ءوزىم تازالامايمىن. ءبىر رەت ءۇي قىزمەتكەرىن تابا الماعانىمدا، ءوزىم جيناماق بولدىم. تاڭعى جەتىدەن باستاپ، تۇنگى ون ەكىدە ءبىر-اق تازالاپ بىتكەن ەدىم. قاتتى اشۋلى بولعانىمدى كورىپ، كۇيەۋىم ءۇي قىزمەتكەرىنسىز بولمايدى دەپ شەشتى.

اراسىندا كۇيەۋىمە تاۋىق ەتىنەن تاعام ازىرلەپ تۇرامىن.

70 مىڭ ەۋرولىق كوستيۋم

مەنىڭ سۇيىكتى برەندىم - Dolce & Gabbana، ۆەرساچە، فيليپپ پلەين.

مەن ساتىپ العان ەڭ قىمبات كيىم – Alta Moda-نىڭ بەلدەمشەسى. ول - 70 مىڭ ەۋرو تۇرادى. ۆەنەسيادان ساتىپ العانمىن. ءار ماۋسىم سايىن كيىمدەرىمدى 70 مىڭ دوللارعا جاڭارتىپ تۇرامىن. كۇنىنە شامامەن 150 مىڭ تەڭگەنى سالوندارعا جۇمسايمىن.

كولىكتى ەكى جىلدا ءبىر رەت جاڭادان ساتىپ الامىن. بۇگىندە Range Rover كولىگىن ءمىنىپ ءجۇرمىن. كۇيەۋىم مازەراتتي ال دەيدى، الايدا مەن جاي مەرسەدەستى ۇناتامىن.

انامدى ءوزىم قاراجاتپەن قامتاماسىز ەتىپ وتىرامىن.

دجونسون وتباسىنداعى داستۇرلەر

جەكسەنبى - وتباسى كۇنى. تابيعاتقا شىعامىز. لوندونعا كۇيەۋىمنىڭ وتباسىنا ءجيى بارىپ تۇرامىز. جاڭا جىلدا جىلى جەرلەرگە ساياحاتتايمىز.

ماعان يتاليا، گرەسيا، اۆستراليا ۇنايدى.

جاقىندا يتالياعا بارىپ، Dolce & Gabbana-نىڭ ءىس-شاراسىنا قاتىسامىز. وعان سوفي لورەن دە كەلۋى ءتيىس.

جىل سايىن ەليزاۆەتا حانشايىم باراتىن حاندىق ات شابىستارىنا بارىپ تۇرامىز.

«كۇيەۋىمە سىيلىق المايمىن»

كۇيەۋىم ماعان ءجيى توسىن سىيلار جاساپ تۇرادى.

ونىڭ ماعان بەرگەن ەڭ قىمبات سىيلىعى – Rolex Rainbow (77 750 ەۋرو تۇرادى) ساعاتى.

مەن كۇيەۋىمە تەك ءبىر رەت سىيلىق جاسادىم. تابيعاتقا الىپ شىقتىم. ءتىپتى تۋعان كۇنىنە سىيلىق العان ەمەسپىن. ۇل سىيلادىم وعان، ودان ارتىق نە كەرەك؟