استانادا ءىرى جەمقورلىق زاڭبۇزۋشىلىقتار ءۇشىن ايىپتالعان تالعات ەرمەگيايەۆتىڭ ءىسى بويىنشا سوت ءىسى جالعاسۋدا. ايىپتاۋشى تاراپتىڭ مالىمدەۋىنشە، تالعات ەرمەگيايەۆ پەن تاعى 22 ادام 10 ميلليارد تەڭگەدەن استام قاراجاتتى جىمقىرعان. ونىڭ 4،2 ميللياردىن ەرمەگيايەۆتىڭ ءبىر ءوزى قالتاسىنا باسقان، - دەپ  حابارلايدى Qamshy.kz BNews.kz-كە سىلتەمە جاساپ.

بۇگىن سوت وتىرىسى بارىسىندا 12 كۇدىكتى مەن پروكۋرورلار اراسىندا پروسەسسۋالدىق كەلىسىم جاسالعانى بەلگىلى بولدى. وسىلايشا ايىپتالۋشىلار  سوت ىسىنە تولىقتاي قولداۋ جاساۋعا كەلىسىمدەرىن بەردى. وسى ارقىلى ولار قىلمىستىق جاۋاپكەرشىلىكتى جارتىلاي الىپ تاستاۋدان ءۇمىتتى.
كەلىسىم جاساعانداردىڭ قاتارىندا «استانا ەكسپو-2017» باسقارما ءتوراعاسىنىڭ بۇرىنعى كەڭەسشىسى قاجىمۇرات ۇسەنوۆ، «استانا ەكسپو-2017» قۇرىلىس جونىندەگى ديرەكسيا» فيليالىنىڭ بۇرىنعى ديرەكتورى ۆياچەسلاۆ پياگاي، «Southfork ltd.» ج ش س اتقارۋشى ديرەكتورى سەيىت سەيىتوۆ، «Southfork ltd.» ج ش س باس ديرەكتورى نۇرلان اقپانبەتوۆ، «قۇرىلىسكونسالتينگ» ۇلتتىق ورتالىعى» اق ديرەكتورىنىڭ مىندەتىن اتقارۋشى سەرىك نايزابەكوۆ، الماتىدا جالعان كاسىپورىندار جەلىسىن ۇيىمداستىرۋشى  سەرگەي يلين، ت.ەرمەگيايەۆتىڭ سەنىمدى ادامى رەنات اقىلبەكوۆ، «كومپانيا ادس» ج ش س پرەزيدەنتى مارس شورمانوۆ، «كومپانيا ادس» ج ش س قۇرىلتايشىسى الپىسبەك تىلەكمەتوۆ، «Dos Group» ج ش س ديرەكتورى سامات سارداربەكوۆ، «SS Electric Indastry» ج ش س ديرەكتورى تالعات ساعىندىقوۆ جانە «پەتروسپەك» ج ش س ديرەكتورى ەرلان تىلەۋوۆ بار.