"كەلىن" تەلەحيكاياسىنىڭ جۇلدىزى، ءۇندى اكتەرى سيددحارتح شۋكلا قازاقستاندىق "بيزنەس پو-كازاحسكي" فيلمىنە تۇسەدى، - دەپ حابارلايدى Qamshy.kz Tengrinews.kz-كە سىلتەمە جاساپ.
اكتەر تاياۋ ۋاقىتتا الماتىعا ءتۇسىرىلىم الاڭىنا كەلەدى.
يدەيا اۆتورى جانە فيلم پروديۋسەرى - ايگىلى شوۋمەن، تەلەجۇرگىزۋشى نۇرلان قويانبايەۆ. ول ءوزى لەنتادا باستى رولدەردىڭ بىرىندە وينايدى. ءفيلمدى مۋزىكانت ءارى كليپمەيكەر جەڭىسحان مومىشيەۆ ءتۇسىرىپ جاتىر. كارتينادا ءابۋناسىر سەرىكوۆ، جان بايجانبايەۆ ("رەكەتير")، ماكس اكباروۆ "قىزعىلت قويان تۋرالى ەرتەگى"، گۇلناز جولانوۆا ("ماحابباتىم جۇرەگىمدە")، قۇرالاي انۋاربەكوۆا ("جاۋجۇرەك مىڭ بالا") دا وينايدى.
ءتۇسىرىلىم جۇمىستارى مامىر ايىندا باستالدى، ماۋسىمنىڭ سوڭىنا قاراي بىتەدى دەپ جوسپارلانىپ وتىر. بيزنەستىڭ قىرى مەن سىرىن، قيىندىعى مەن قىزىعىن ايشىقتايتىن كومەديالىق جانرداعى فيلم ۇستىمىزدەگى جىلدىڭ كۇز ايلارىندا وتاندىق كينوپراكاتقا شىعادى دەپ جوسپارلانىپ وتىر.
