الماتىدا كۇنى اقىن، قازاقستاننىڭ ەڭبەك سىڭىرگەن قايراتكەرى، م. ماقاتايەۆ اتىنداعى سىيلىقتىڭ ەكى دۇركىن يەگەرى، ايتىس ونەرىنىڭ ۇيىمداستىرۋشىسى ءجۇرسىن ەرماننىڭ شىعارماشىلىق كەشى ءوتتى، - دەپ حابارلايدى Qamshy.kz.

اقىننىڭ كەشى الماتى اكىمدىگىنىڭ قولداۋىمەن ءوتىپ وتىر.

م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا وتكەن كەشتە ەرلان رىسقالي، ەركىن نۇرجان، اللاجار قايبار سىندى ءبىرقاتار ساحنا جۇلدىزدارى ونەر كورسەتىپ، داۋلەتكەرەي كاپ ۇلى، باۋىرجان حاليوللا، ايبەك قالييەۆ، ەركەبۇلان قاينازار، بولاتبەك ورازبايەۆ، يرانعايىپ كۇزەمبايەۆ، مەيىربەك سۇلتانحان، قاليجان بىلداشيەۆ، شۇعايىپ سەزىمحان، مۇحتار نيازوۆ سىندى ايتىس اقىندارى جىردان شاشۋ شاشتى. كەش تىزگىنىن الاشتىڭ اياۋلى اقىنى امانجول التايەۆ ۇستادى.

قالا اكىمى باۋىرجان بايبەكتىڭ قۇتتىقتاۋىن ورىنباسارى ارمان قىرىقبايەۆ جەتكىزىپ، سىي-سىياپات جاسادى.

باۋىرجان حاليوللا، ايبەك قالييەۆ، داۋلەتكەرەي كاپ ۇلى ءجۇرسىن ەرماننىڭ وزدەرىنە ارنالعان ولەڭدەرىن وقىسا، باسقا دا جاس اقىندار ءجۇرسىن ەرماننىڭ جىرلارىنان شاشۋ شاشتى.

كەش بارىسىندا اقىندار جاساعان قۇلمانبەت ايتىس تا جينالعان جۇرتتى ءبىر سەرپىلتىپ تاستادى.

وسى كەشتە تاريحي وقيعا دەپ باعا بەرۋگە بولاتىن ءبىر وقيعا ورىن الدى. ءجۇرسىن ەرماننىڭ سوزىنە جازىلعان، قازاقتىڭ قايراتكەر جازۋشىسى قاجىعۇمار شابدان ۇلى تۋرالى سىر شەرتەتىن، ەرلان تولەۋبايدىڭ «قاجىعۇمار» ءانىنىڭ تۇساۋى كەسىلدى. ءاندى ءداستۇرلى ءانشى، جىراۋ اللاجار قايبار ورىندادى.