ءال-فارابي اتىنداعى قازۇۋ عالىمدارى مەن بۇۇ، يۋنەسكو وكىلدەرىنىڭ بىرلەسكەن ماجىلىسىندە ۋنيۆەرسيتەت رەكتورى عالىمقايىر مۇتانوۆ يۋنەسكو-نىڭ باس ديرەكتورى يرينا بوكوۆانىڭ قولى قويىلعان، ۋنيۆەرسيتەتتە تۇراقتى دامۋ بويىنشا يۋنەسكو حالىقارالىق كافەدراسىنىڭ اشىلۋىن رەسمي تۇردە راستايتىن قۇجاتتى سالتاناتتى تۇردە كورسەتتى. يۋنەسكو جانە يسەكو جۇمىستارى بويىنشا ق ر كوميسسياسىنىڭ باس حاتشىسى اسەل وتەگەنوۆا ۋنيۆەرسيتەتتىڭ تۇراقتى دامۋ شەشىمىنە قوسقان ۇلەسىن اتاپ ءوتىپ، يرينا بوكوۆا حانىمنىڭ: «تۇراقتى دامۋ بويىنشا ماقساتتاردى تابىستى ىسكە اسىرۋ تەك كوشباسشىلاردىڭ موينىنداعى جۇمىس ەمەس، ەڭ الدىمەن ازاماتتىق قوعامنىڭ جۇمىسى».
قازاقستان، قىرعىزستان، تاجىكستان جانە وزبەكستان بويىنشا يۋنەسكو كلاستەر بيۋروسىنىڭ الماتىداعى ديرەكتورى اندرەي شيەۆەليەۆ جاڭا يۋنەسكو كافەدراسىنىڭ ساپالى ءبىلىم بەرۋ، گەندەرلىك تەڭدىك، لايىقتى جۇمىس پەن ەكونوميكالىق دامۋ، تۇراقتى قالالار، كليمات وزگەرىسىمەن كۇرەس، ەكوجۇيەلەردىڭ ساقتالۋى، تۇراقتى دامۋ ءۇشىن بىرلىك پەن ىنتىماقتاستىقتى العا تارتۋ سىندى تۇراقتى دامۋ ماقساتتارىنا جەتۋدە ماڭىزدى ءرول اتقاراتىنىن اتاپ ءوتتى.
بۇۇ-نىڭ الماتى بويىنشا قوعامدىق اقپارات دەپارتامەنتىنىڭ ديرەكتورى ۆلاستيميل سامەك ۋنيۆەرسيتەتتى تۇراقتى دامۋ بويىنشا يۋنەسكو كافەدراسىنىڭ اشىلۋىمەن قۇتتىقتاي وتىرا، قازۇۋ-دىڭ تۇراقتى دامۋ بويىنشا جەتكەن جەتىستىكتەرى جوعارى وقۋ ورنىنىڭ بۇۇ-نىڭ «اكادەميالىق ىقپال» باعدارلاماسى بويىنشا جاھاندىق حاب رەتىندەگى دارەجەسىن 2018 جىلعا دەيىن ۇزارتۋعا نەگىز بولعانىن ايتتى. سونىمەن قاتار، ول يۋنەسكو كافەدراسىنىڭ اشىلۋى – جاستاردىڭ مۇمكىندىكتەرىن ارتتىرىپ، الەۋمەتتىك يننوۆاسيالار مەن وزگەرىستەرگە، الەمدىك مادەنيەتتىڭ قالىپتاسۋىنا ءوز سەپتىگىن تيگىزەتىنىنە سەنىم ءبىلدىردى.
ۋنيۆەرسيتەت رەكتورى تۇراقتى دامۋ بويىنشا يۋنەسكو كافەدراسى دەموكراتيالىق قۇندىلىقتار، سونىڭ ىشىندە، تولەرانتتىلىق، پليۋراليزم، ادام قۇقىعىن قۇرمەتتەۋ، بوستاندىق ۇعىمدارى العا قويىلاتىن پىكىرتالاس الاڭى بولاتىنىن راستادى. يۋنەسكو كافەدراسى قىزمەتى شەڭبەرىندەگى جوبالاردى ىسكە اسىرۋ تۇراقتى دامۋ اينالاسىندا مەملەكەت پەن اۋدان الەۋەتىن ارتتىرۋعا قولداۋ كورسەتۋ باعىتىنداعى باستامالارعا جاڭا سەرپىن بولارى انىق. اتاپ ايتقاندا، بۇل – تۇراقتى دامۋ، قورشاعان ورتانى قورعاۋ، جاسىل ەكونوميكا مەن جاڭارتىلاتىن ەنەرگيا بەرۋ بويىنشا عىلىمي-زەرتتەۋشىلىك جوبالاردىڭ ىسكە اسۋىنا دايىندىق پەن قولداۋ.
بۇل – قازاقستانداعى ءبىلىم بەرۋ، عىلىم مەن مادەنيەت جونىندەگى بۇۇ-مەن تانىلعان بەسىنشى يۋنەسكو كافەدراسى، ونىڭ ەكەۋى ءال-فارابي اتىنداعى قازۇۋ-دا. 1996 جىلدان بەرى ۋنيۆەرسيتەتتە ب ا ق، جۋرناليستيكا مەن مەديا ءبىلىم سالاسىندا ءىرى جوبالاردى جۇزەگە اسىراتىن، جۋرناليستيكا جانە بۇقارامەن قاتىناس ورناتۋ سالالارى بويىنشا يۋنەسكو كافەدراسى جۇمىس ىستەيدى.
