ەل حالقىنىڭ 70 پايىزى ءوزىن «قازاقستاندىق» دەپ سانايدى. مۇنى ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى، ساياسي عىلىمدار دوكتورى جاڭىلجان ءجۇنىسوۆا جەتكىزدى، - دەپ حابارلايدى Qamshy.kz kursiv.kz-كە سىلتەمە جاساپ.

ج. ءجۇنىسوۆانىڭ بۇل ايتىپ وتىرعاندارى جانىنان شىعارعانى ەمەس، مەملەكەتتىك دەڭگەيدەگى باعدارلامالارمەن نەگىزدەلگەن، جوسپارلى، جۇيەلى جۇمىستىڭ ناتيجەسى سەكىلدى كورىنەدى. اتاپ ايتقاندا، «100 ناقتى قادام» ۇلت جوسپارىنداعى نەگىزگى باعىتتاردىڭ ءبىرى قازقاقستاندا «ءبىرىڭعاي بولاشاق ۇلتىن» قۇرۋ كورىنەدى. بۇل ۇلت «ماڭگىلىك ەل» ۇلتتىق يدەسياسىنا سۇيەنگەن ۇلتتىق بىرەگەيلىكتىڭ ۇلگىسى بولماق.

«كوپتەگەن الەۋمەتتىك زەرتتەۋلەردىڭ، ونىڭ ىشىندە «نۇر وتان» پارتياسى قوعامدىق ساياسات ينستيتۋتى جۇرگىزگەن زەرتتەۋلەر حالىق اراسىندا قازاقستاندىق بىرەگەيلىكتىڭ باسىمدىققا يە ەكەنىن كورسەتەدى. ساۋالناماعا قاتىسۋشىلاردىڭ باسىم بولىگى وزدەرىن قازاقستاننىڭ وكىلىمىز دەپ سانايدى. «ءوزىڭىزدى ءبىرىنشى كەزەكتە كىممىن دەپ سانايسىز؟» دەگەن سۇراققا قاتىسۋشىلاردىڭ 70 پايىزعا جۋىعى «قازاقستان رەسپۋبلكايىسىنىڭ ازاماتىمىن» دەپ جاۋاپ بەرگەن»، - دەيدى ج. ءجۇنىسوۆا.

الەۋمەتتانۋشىلاردىڭ بۇل زەرتتەۋدى نە ماقساتپەن، قانداي قاجەتتىلىكتى ويلاپ جۇرگىزگەنى بەلگىسىز، ءبىراق، «ناتيجەسىنە» وزدەرىنىڭ كوڭىلدەرى تولاتىن سياقتى. ازاماتتىق پرينسيپىنە نەگىزدەلگەن قازاقستاندىق بىرەگەيلىكتىڭ قالىپتاسۋى قاجەتتى دەڭگەيگە جەتتى دەپ سانايدى.

«ول زامانعا ساي كاسىبي جانە اۆتونومدى باسقارۋ اپپاراتى بار، زاڭ ۇستەمدىك ەتەتىن جانە مەنشىك قۇقىعى قورعالاتىن، ورتا تاپ تەز قالىپتاساتىن، تۇراقتىلىق پەن قوعامدىق كەلىسىم ساقتالاتىن مەملەكەتتە تابيعي جولمەن ورنىعادى»، - دەپ سانايدى اكادەميا پروفەسسورى.

وسىلايشا، «ءسىز ءبىرىنشى كەزەكتە ءوزىڭىزدى كىممىن دەپ سانايسىز؟» دەگەن سۇراق قويىپ، وعان «قازاقستان رەسپۋبليكاسىنىڭ ازاماتى» دەگەن جاۋاپ نۇسقاسىن ۇسىنۋ سىندى قيتۇرقىلىقپەن وتكىزىلگەن زەرتتەۋلەر ءبىراز جۇل بۇرىن ۇلتشىلداردىڭ تاباندىلىعى ارقاسىندا ارەڭ باسىلعان «قازاقستاندىق ۇلت» جوباسىنىڭ قايتا تىرىلگەنىن دالەلدەپ وتىر. قايتا 70 پايىز دەگەنى از سياقتى. الگىندەي قيتۇرقىلىقتارمەن 99 پايىز كورسەتكىشتىڭ سۋرەتىن سالىپ جاتسا دا تاڭ قالاتىن جايىمىز جوق.

جومارت ابدوللا ۇلى