املاتىداعى «اقكەنت» تۇرعىن ءۇي كەشەنىنەن شۋ شىققالى ءبىراز بولعان. الاياقتارعا الدانعان كەشەن تۇرعىندارى باسپانالارىن سوت شەشىمىمەن بوساتۋعا ءماجبۇر، - دەپ حابارلايدى Qamshy.kz 31-ارناعا سىلتەمە جاساپ.

سوت ورىنداۋشىلار تۇرعىنداردىڭ ۇيلەرىن ماجبۇرلەپ بوساتۋدى باستادى. الماتىنىڭ اقكەنت ىقشاماۋدانىنىڭ تۇرعىندارى جان ۇشىرا كومەك سۇراعانمەن، ءتارتىپ ساقشىلارى مەن ارنايى جاساق قىزمەتكەرلەرى ەشكىمدى تىرپ ەتكىزبەدى. ال پاتەرىن قورعايمىن دەپ شىرقىراعان ءبىر ازاماتتىڭ اياعى جاراقاتتانىپ، تاعى ءبىرىنىڭ تىنىسى تارىلىپ، اۋرۋحاناعا ءتۇستى.

- "ايت حاۋزينگ" نە ۆلادەلەس ەتوي كۆارتيرى. 

بۇل بىرنەشە جىل بويى اقشاسىن تولەپ، تۇرىپ كەلە جاتقان باسپاناسىن بەرۋگە قارسىلاسقان تۇرعىنداردىڭ اشۋى. تۇرعىن ۇيلەردىڭ كىرە بەرىستەرىن ءتارتىپ ساقشىلارى كۇزەتىپ تۇردى. كىرگەندەر شىعا المايدى، شىققاندار كىرە المايدى. تاڭەرتەڭ كەلەتىنىن ەسكەرتىپ، ءتۇس اۋا جاڭبىر باسىلا ساۋ ەتىپ جەتكەن سوت ورىنداۋشىلار ەشكىمنىڭ ءوتىنىشىن ەلەيتىن ەمەس. قولدارىندا سوت شەشىمى، ءۇيدى بوساتۋ كەرەك. بۇل ۋشىققان باسپانا ماسەلەسى اقكەنتتەگى جۇزدەگەن تۇرعىنعا ورتاق مۇڭ بولىپ وتىر.

مانات جولدىبايەۆا، اقكەنت ىقشاماۋدانىنىڭ تۇرعىنى:

 - مى گراجدانە رەسپۋبليكي كازاحستانا. مى وتستايۆاەم سۆوە ەدينستۆەننىي جيلە. پوچەمۋ سەيچاس نا ناس پريۆەلي ومونوۆ، مى كاك پرەستۋپنيكي. زا چتو؟ مى زاپلاتيلي پولسەنى. مى ۆزيالي چەستنو. مى حوتيم پلاتيت. نە گوۆوريم چتو مى نە بۋدەم پلاتيت.

سوت ورىنداۋشىلار مەن "ايت حاۋزينگ" كومپانياسىنىڭ تالابىن ەستىپ، قارسىلىق بىلدىرۋگە تىرىسقان كەلىنشەكتىڭ دەنساۋلىعى ناشارلاپ، جەدەل-جاردەم قىزمەتى الىپ كەتتى. پاتەر ەسىگىن اشپايمىن دەپ ساقشىلارمەن ايقاسىپ، اياعىن جارالاعان بۇل جىگىت ءۇي باعاسىنىڭ سەكسەن پايىزىن وتەگەنىن ايتادى. تۇرعىندار ءوتىنىشى - تەگىن تۇرۋ ەمەس، ۋداي قىمبات ايلىق تولەمنىڭ سوماسىن ازايتىپ، كەلىسىم-شارتتى قايتا جاساقتاۋ. ال كومپانيا زاڭگەرى بۇعان دەيىن كەشىرىم جاسالىپ كەلگەنىن ايتادى.

گۇلجان زاپرونوۆا، "ايت حاۋزينگ" كومپانياسىنىڭ زاڭگەرى:

- ءيا، ءبىز كوپ ادامداردىڭ تولەمىن ۇزارتىپ بەردىك. ەرىكتى تۇردە كەلىپ، اقشانىڭ ءبىر بولىگىن تولەگەندەر بار. مۇمكىندىك بولدى. ءبىز يپوتەكالىق ۇيىم ەمەسپىز عوي، ادامدار سۇراعانداي 10-20 جىلعا سوزاتىن. قارىزى بار ۇيلەر بوساتىلادى.

ال تاعى ءبىر تۇرعىن، 6 جىلدان بەرى 15-ۇيدە تۇرىپ كەلە جاتقان جالعىز باستى انا پاتەرىنىڭ ەسىگىن ەرىكسىز اشىپ بەردى. وتباسىنا زاتتارىن جيناپ، تاسىپ اكەتۋگە عانا ۋاقىت بەرىلدى. كوز جاسىنا يە بولا الماعان ول تۇرىك كومپانياسىمەن اقىرىنا دەيىن سوتتاسپاق.

ءاليا قاراتاي قىزى، اقكەنت ىقشاماۋدانىنىڭ تۇرعىنى:

- ەست، ۆوت ۋ مەنيا جالوبا نا نيح. ونا ۆستۋپيلا ۆ سيلۋ. نو ەتو سۋدا يسپولنيتەل گوۆوريت يا تاكوي نە پولۋچال. ون ۆسە ەتو پولۋچيل. ەتو پو زاكونۋ. يا ۆ سۋد پودالا. وني نە يمەەت پراۆو مەنيا ۆىسەليات.

ماناس قايىرتاي ۇلى، ءتىلشى:

- ءقازىر جيىنى 127 پاتەردى بوساتۋ تۋرالى سوت شەشىمى شىعىپ، 35 پاتەردىڭ ءىسى قارالىپ جاتىر. ال كومەك سۇرايمىز دەپ پوليسيادان ەسكەرتۋ العان، قانشا ميلليون تەڭگە تولەگەن پاتەرىمدى بوساتپايمىن دەپ اياعىن جارالاعان، كوز جاسى كول بولىپ سوت ورىنداۋشىلارعا ەرىكسىز ەسىگىن اشىپ بەرگەن تۇرعىندارعا "ۇيدەن ەشكىم شىعارىلمايدى" دەپ بۇيرىق بەرگەن باۋىرجان بايبەك، بىردە-بىر اكىمدىك قىزمەتكەرلەرى اراشا ءتۇسىپ كەلمەدى.