جەر كوميسسياسىنىڭ وتىرىسىندا الماتى وبلىسى اكىمىنىڭ ورىنباسارى سەرىكجان بەسكەمپىروۆ وسىلاي دەپ مالىمدەدى، - دەپ حابارلايدى Qamshy.kz.

«الماتى وبلىسى اكىمى اماندىق باتاللوۆتىڭ جۇڭگو حالىق رەسپۋبليكاسىنا ساپارى بارىسىندا بالامالى ەنەرگيا كوزدەرىن دامىتۋ، ساۋدا-ساتتىق، «جىبەك جولى بەلدەۋىن» دامىتۋ سىندى ءبىرقاتار ماسەلەلەر بويىنشا كەلىسىمدەر جاسالدى. وبلىس پەن جۇڭگو ەلى اراسىندا جەرگە قاتىستى ەشقانداي كەلىسىمگە قول قويىلعان جوق»، - دەدى س. بەسكەمپىروۆ.

سونداي-اق، وبلىس باسشىسىنىڭ ورىنباسارى وبلىس اۋماعىنداعى اۋىلشارۋاشىلىعى جەرلەرىنىڭ جاعدايىنا توقتالدى.

«الماتى وبلىسىندا اۋىلشارۋاشىلىق جەرلەرىنىڭ 93،7 پايىزى پايىزى جالعا الۋ قۇقىعىمەن پايدالانىلۋدا. مەنشىك قۇقىعىمەن پايدالانىلاتىن جەر كولەمى 547،6 مىڭ گەكتار»، - دەيدى ول.

وبلىستاعى جالپى اۋىلشارۋاشىلىعى ماقساتىنداعى جەر كولەمى 8 ملن 632 مىڭ گەكتاردى قۇرايدى. ول جەرلەردە 61 مىڭ شارۋاشىلىق سۋبەكتىلەرى جۇمىس ىستەۋدە.