بۇگىن پرەزيدەنت نۇرسۇلتان نازاربايەۆ استانا قالاسىنىڭ جاسىل جەلەكتى ايماعىن ارالادى. اتالمىش شارا اياسىندا ەلباسى «جاسىل ايماق» رمك «اق قايىڭ» ورمان تۇقىمباعىنىڭ اربورەتسمى مەن اعاش تۇقىمىنىڭ پلانتاسياسى جۇمىستارىمەن تانىستى، - دەپ حابارلايدى Qamshy.kz.

"جىل سايىن مەن وسى ورمانداردى ارالاپ، باقىلاپ وتىراتىنىمدى وزدەرىڭىزبىلەىزدەر. ءبىز1998 جىلى ەلوردانى دۇنيەجۇزىنە جاريالادىق. سودان بەرى، مىنە، 18 جىل ءوتتى. 18 جىل دەگەن كامەلەتكە تولعان، ازامات بولعان كەز دەپ ساناۋعا بولادى. ءبىراق، ءجاسوسپىرىم، جاڭادان ءوسىپ كەلە جاتقان جاسپەن بىردەي. سول كەزدەن باستاپ قالانىڭ توڭىرەگىنە ورمان ەگۋدى تاپىردىم. جاستار بىلمەيدى، ءبىز بىلەمىز، الماتىدان جاڭا كوشىپ كەلگەن كەزدە، قالانى شاڭ باسىپ كەتەتىن. ءتورت جاقتان سوققان جەل ادامدى قۇلاتىپ كەتەتىن. سوندىقتان، اعاش وتىرعىزۋدى باستادىق. «استانانىڭ توڭىرەگىندە جەر قولايلى ەمەس، تاس، قۇم، ورمان شىقپايدى» دەپ قارسى تۇرعانداركوپ بولدى. دەگەنمەن، ەلوردا بولعاننان كەيىن، توڭىرەگى ورمان بولماسا، ب ا ق بولماسا، وندا ەلدەر قايدا شىعىپ دەمالادى، قايدا بارادى؟ مىنەكەي، ءقازىر وزدەرىڭىز كورىپ وتىرعانداي، استانانىڭ توڭىرەگىندە 73 مىڭ گەكتار بۇرىن بولماعان ورمان پايدا بولدى. الپىستان استام اعاش سورتى وسەدى. ونىڭ ىشىندە، الما دا بار، جيدەك تە بار، ءبارى بار. تىڭدى يگەرگەن كەزدە تراكتوردىڭ داۋىسىنان قاشىپ كەتكەن جاندىكتەردىڭ ءبارى قايتاپ كەلدى. ورماندا تۇلكى دە بار، ەلىك تە بار، قويان دا بار، قىرعاۋىل دا بار. سوندىقتان، بىرىنشىدەن، استاناداعى اۋانىڭ تازالىعى، ەكىنشىدەن، شاڭ جىبەرمەيىن، ۇشىنشىدەن، جەلدى ۇستايتىن قورعان. ورمانى باردىڭ قورعانى بار دەپ قازاق بەكەر ايتپاعان. سوندىقتان، بولاشاقتا استانا تۇرعىندارى مەن جاستارعا جاساپ جاتقان جاعداي دەپ ايتۋعا بولادى"، - دەدى ەلباسى.