ق ر مادەنيەت جانە سپورت مينيسترلىگى قازاقستاندىق اۋىر اتلەتتەردىڭ تاعدىرىن حالىقارالىق وليمپيادا كوميتەتىنىڭ (حوك) تارتىپتىك وتىرىسى وتكىزىلگەننەن كەيىن شەشەدى، - دەپ حابارلايدى Qamshy.kz قازاقپاراتقا سىلتەمە جاساپ.
بۇل تۋرالى بۇگىن ق ر ۇكىمەتىنىڭ وتىرىسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى حابارلاپتى.
بۇگىن ۇكىمەت وتىرىسىندا مادەنيەت جانە سپورت ءمينيسترى ارىستانبەك مۇحامەدي ۇلى دوپينگ داۋىنا بايلانىستى حالىقارالىق وليمپيادالىق كوميتەتتەگى تارتىپتىك كوميسسيانىڭ سوڭعى شەشىمىن كۇتىپ وتىرعانىن ايتتى.
«بىزدە قازىرگى كەزدە وليمپياداعا 102 جولداما بار. الداعى ۋاقىتتا تاعى حالىقارالىق جارىستار بار، وسى ورايدا قوسىمشا ون جولداما الامىز دەپ بولجاپ وتىرمىز. بۇگىندە حالىقارالىق وليمپيادالىق كوميتەت جولداپ وتىرعان ماسەلەلەردى تىڭعىلىقتى باقىلاپ وتىرمىز. ارينە، قازىرگى كەزدە 27 ماۋسىمدا لوزاننادا باستالاتىن حالىقارالىق وليمپيادالىق كوميتەتتە تارتىپتىك كوميسسيانىڭ سوڭعى شەشىمىن كۇتۋدەمىز»، - دەدى مينيستر.
سونىمەن قاتار ول ريو-دە-جانەيرو دوداسى قارساڭىندا سپورتشىلاردى تەكسەرەتىن ەلىمىزدىڭ زەرتحانالىق مەديسينالىق قۇرامداس بولىگى كۇشەيتىلەتىنىن اتاپ ءوتتى.
